Ilisimatusarfimmi - ujarlerpoq

Kalaallit Nunaanni iloqqasunngorluni isumattorsaqati giinnermut (Sharing Circlemut) ilitsersuut - periutsimut najoqqutassaq

01.12.2021

Saqqummersitaq
- download

Innuttaasut Peqqissusiannik Ilisimatusarfiup 2019-imi aamma 2020-mi suliniutini assigiinngitsuni marlunni Sharing Circles (kingorna Iloqqasunngorluni isumattorsaqatigiinnermik taagorneqar­toq) periutsitut atorpaa. Suliniummi siullermi ”Kalaallit Nunaanni peqqinnissaqarfik atuisut isaannit isigalugu”-mi misissuiffigineqartunik itisiliilluni apersuineq misissuinerup ilusaanut ilaaqqaarpoq.

Peqqinnissaqarfimmilli atuisut misilittagaannik misissuinermi, Olesen allallu (2020), inuit misilittagaat, ajunngitsut pitsaanngitsullu, aamma isiginninnerat qitiutinneqarmata pingaarutilittut isigineqarpoq kulturikkut oqaatsitigullu toqqissisimanartumik akuutitsiffiusumillu tunngaveqarnissaq, kiisalu kulturikkut aallaavilimmik peqqinnermik paasinninnermik paasinninnissaq.

Nunani issittoqarfinni allani ilisimasatigut misilittakkatigullu nassuiarneqarpoq nunap inoqqaavisa misissuiffigineqarnerini attaveqaqatigeeriaatsit aamma ileqqut akuersaartumik pissuseqarfigineqarnissaasa pingaaruteqassusiat (Halcomb, 2006).

Taamaattumik amerikap avannaani periuseq Iloqqasunngorluni isumattorsaqatigiinneq isumassarsiorfigineqarpoq, kalaallit kulturiannut ileqquinullu naleqquttumik misissuiffigineqartunik apersuinermit atorsinnaasamik allaanerusumik isumassarsiniarluni. Iloqqasunngorluni isumat­ torsaqatigiinneq aallaqqaammut misissuinernut periusiunngikkaluarpoq, kisiannili ileqqutoqqat malillugit attaveqaqatigeeriaasiulluni Canadami, Alasakami aamma USAmi inuunermi oqaluuserisassanik annertuunik annikitsunillu oqaluuserinninnissamik pisariaqartitsisoqartillugu atorneqartarsimasumik (Rothe allallu, 2009, Halcomb, 2006, Earth Child Project, 2020).

Misissuinermi pineqartumi paasissutissanik pissarsiffiit peqatigalugit sammineqartut ilaannik eqqartuinermut periaaseq taanna pitsaallunilu kingunilimmik periusiusoq paasinarsivoq. Periuseq aamma itisiliilluni misissuinermi allami, Qasigiannguani ingerlanneqartumi, Iloqqasunngor­ luni isumattorsaqatigiinnermik (Olesen allallu, 2020b) taamaallaat ilusilerneqartumi, misilerarneqarpoq. Tassani aamma periutsip pitsaaquteqarnera, suliareqqinnissaanik soqutiginaateqartumik, takuneqaqqippoq.

Najoqqutassiornermi matumani siunertarineqartoq tassaavoq ilisimatusaatigalugu misissuinerni taaneqartuni Iloqqasunngorluni isumattorsaqati­ giinneq periutsitut qanoq atorsimaneripput nassuiassallugu, Kalaallit Nunaanni siunissami ilisimatuussutsikkut misissuinernut periutsip atorneqarnissaanik isumassarsisitsisimassalluta neriuutigalugu. Tamatuma saniatigut misissuinerni taakkunani marlunni misilittakkat takusallu nassuiarneqarput. Neriuppugut najoqqutaq una ilinniartut aamma ilisimatusartut inuiaqatigiit kalaallit oqaloqatigalugit peqqissutsikkut- aamma inooqataanikkut tunngasuni suliaqarnerminni isumassarsiffigalugulu, ilitsersuutigalugulu iluaqutigisinnaassagaat.

Grønlandsk Bogbillede (1)



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk