Ilisimatusarfimmi - ujarlerpoq

Kinguaariinnut tullernut digitaliseeriineq

01.04.2021

telepost.gl

Coding Class meeqqanut atuartunut koderinermik digitaliseerinermillu ilinniartitsineq Kalaallit Nunaannut annguttoq Kalaallit Nunaanni ilinniartitsinermik aaqqissuussinermi annertuumik ilaalissaaq.

Ataasinngornermi martsip arfineq pingajuanni 2021, TELEPOSTip Ilisimatusarfik suleqatigiinnissamut isumaqatigiissummik atsioqatigaa, tamaalilluni ilinniartitsisunngorniarnermi misiliinermik immikkoortoq Coding Classimit aallaavilik atuutilissaaq. Britta Lohmann Ilisimatusarfimmi aqutsisoq oqarpoq:

"TELEPOST-imik suleqateqarnerput uagutsinnut pingaarutilerujussuuvoq – Ilisimatusarfimmut Kalaallit Nunaannilu suliffeqarfinnut ikaartarfililiimmat siunissamilu ilinniartitsisunngortussat digitaalimik piginnaasassaannik nukittorsaanerummat".

TELEPOSTip kinguaariit tulliit silarsuarmut digitaaliusumut ikaarsaartitseqataaffigissavai, aammalu digitaalimik piginnaasat pitsaanerpaat taakkununnga tunniutissallugit. Ilisimatusarfimmi Ilinniarnermut Instituti, ilinniarnermi suliniut aqqutigalugu ilaatigut pitsaasumik ilinniagaqarnermik qitiutitseqataassaaq. Ilinniartitaaneq siunissami ilinniartitsisunik piginnaasaqalersitsissaaq, taamaasillunilu silarsuaq digitaaliusoq kinguaariinnut tullernut ingerlateqqinneqassalluni. TELEPOST-ip pisortaa Helena Rotvig Kristiansen oqarpoq:

"TELEPOST-IP Ilisimatusarfiullu suleqatigiilernerat nuannaarutigaarput. Alloriarneruvoq Kalaallit Nunaannut digitaaliusumut qaninnerulersitsisoq. Siunissami ilinniartitsisunngortartussanik digitalimik piginnaanngorsaanermut TELEPOST-imit ilapittuisinnaagatta nuannaarutigaarput, taamaallutik ilisimasaminnik meeqqanut siunissami ingerlatitseqqittassammata".

Ilinniarnermut Institutimi ilinniartitsisunngorniat ilinniarnermi ingerlanerani immikkoortoq misiliut ”teknologiimik paasinnissinnaaneq” toqqarsinnaalerpaat, 2021-imi aallarniutitut upernaakkut aallartinneqartussaq, 2022-llu tungaanut ingerlasussaq. Ilinniartitsineq qarasaasialerinermi siunnersuinermik ilinniarsimasunit Center for Undervisningsmiderineersunit ingerlanneqassaaq, taakkualu aamma Ilinniarfissuarmi ilinniartitsissutigineqartoq teknologiimik paasinnissinnaaneq pillugu faagi.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk