Ilisimatusarfimmi - ujarlerpoq

Ilisimatusaat

15.03.2019

Ilisimatusaat - Ilisimatusarfiup atuagassiaa internettikkoortoq nutaaq, ilisimatuutut misissuinerit pillugit allaaserisanik imalik saqqummiunneqassaaq ilasseqatigiinnertalimmik tallimanngorpat marsip 15-ianni 2019 nal. 15.00 Ilimmarfiup nerisarfiani.

Tamanut ammavoq.

Ilisimatusarfiup rektoriata Gitte Adler Reimerip Ilisimatusaatillu aaqqissuisuata Flemming Nielsenip atuagassiaq nutaaq saqqummiutissavaat, ilisimatuut normumut siullermut allaaserisaqarsimasut ilaat peqatigalugit.

Atuagassiaq marsip 15-ianiit Ilisimatusarfiup nittartagaatigut www.uni.gl-ikkut atuarneqarsinnaalissaaq.

Atuagassiaq Ilisimatusarfimmi ilisimatuut misissugaannik allaaserisanik atuaruminartunik imaqarpoq, sammisat uku iluanni: Kulturi, inuiaqatigiilerineq, atuartitsineq aamma peqqissaaneq.

Normumi siullermi makku allaaserineqarput:

  • Isiginnaartitsinerup fjersynillu oqaluttuarisaanerat
  • Inuusuttut maligassiuisut
  • Kristumiussuseq Kalaallit Nunaanni avataanilu
  • Namminersorneq Issittumilu naalagaaffiit attaveqatigiinnerat
  • Ulloq unnuarlu paaqqinnittarfinni meeqqat atugaat
  • Nunatsinni tusagassiorneq
  • Atuarfinni internettikkut atuartitsineq
  • Nunatsinni meerartaarneq utoqqalinerlu



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk