Ilisimatusarfimmi - ujarlerpoq

QIMMEQ pillugu suliniut - qimmip qimuttup tarninganik piniarneq

01.03.2020

Nalunaarusiaq
- atuaruk

Tunuliaqutaq

Kalaallit qimmiat uumasuuvoq tupinnartoq takujuminartorlu. Nukittuujuvoq immikkuullarillunilu allanngornernullu naleqqussarsinnaassuseqarluni nalinginnaanngitsumik. Nanorsuaq qaasuttoq immap sikuani nikitsaaliorsimaarsinnarlugu, sorianngitsoq kilometererpassuit qimussinnaasarpoq, qamutit takornarianik imaluunniit neqinik aalisakkanillu inuussutissanik ulikkaartut kalillugit. Sorianngitsorlu aamma suliassani aalluteqqissaarlugu ajugaarusullunilu ukiumoortumik qimussimik sukkaniunnermi peqataasarluni. 

Isumaqaqqajaasarunarpugut nunarput qimuttunik qimmeqartuaannassasoq. Mianersortariaqarnitsinnulli kalerrisaarutit tutsiuttalereerput. Qimmit ajornartorsiutaat ukiut tamaasa atuagassiani allaaserineqartalerput. Qimmit ikiliartuinnarput. Immap sikua annikilliartorpoq, qimminut nerukkaatissat akitsoriartorlutik qamuteralaallu piniarnermi aalisarnermilu angallataagaluttuinnarlutik. Naallu kalaallit qimmiat kalaallit kulturiannut tulluusimaarutaalluni ilisarnaataagaluartoq uummaarissoq, taamaattoq unammillernartoqarpoq siunissaalu qanoq ikkumaarnersoq eqqarsaatiginarluni. Qanoq iliortoqarsinnaava qimmip piujuarnissaa kulturimillu immikkuullarissumik attassisuunera eqqarsaatigalugit? 

Tamakku tunuliaqutaralugit kalaallit qallunaallu ilisimatuut ilisimasanillu siammaasartut 2015-imi kattupput, qimmip kulturikkut oqaluttuassartaa, pinngoqqaarfia peqqissusaalu pillugit suliat aki- morlugit suliniummik pilersitsiniarlutik. Tamatta qimmeq qimuttoq tiguartiffigisimasorujussuuarput qimmillu immikkuullarissup qanga pinngorsimanera eqqartortarlutigu? Suminngaanneerpamitaava, sananeqaatimigullu amaqqup sananeqaataanik akusaava? Qanoq ilillutik qimmeqatigiit racit ataatsit taama amerlatigisunik immikkuullarilluinnartigisunillu piginnaaneqalersinnaasimappat, aammalu qanoq ilillutik assoroornartorpassuit aqqusaartakkatik timikkut anigorsinnaasarpaat? Qanoq sungiusarneqartarpa? Qimmeq pillugu ilisimasatta annertusiartornerat ilutigalugu apeqqutit soqutiginaatillit qaffakaasut amerliartorput, taamatullu aamma ilisimatusariaatsip nutaap apeqqutinik akissutissarsisitsisinnaaneranik isuma pinngorluni.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk