Nalunaarummi nutaami pisortatigoortumik isumaginnittoqarfinni sulisut suliffimminni tarnikkut avatangiisigissaarnissaat sammineqarpoq

Nalunaarummi nutaami pisortatigoortumik isumaginnittoqarfinni sulisut suliffimminni tarnikkut avatangiisigissaarnissaat sammineqarpoq

03.12.2018

Misissuineq tamanna ukiuni qulini qaangiuttuni misissuinernik asseqanngilaq – misissuinermilu isumaginnittoqarfinni sulisut 200-t missaanniittut sulinermi ingerlalluarneq pillugu apersorneqarput, suiaassuseq, akissarsiat, suliffik, kommune il.il. pillugit apeqquterpaaluit aallaavigalugit. 

Amerlanerussuteqartut, tassa sisamaagaangata pingasut, isumaginnittoqarfinni sulinerminni ingerlalluarnerarput – taakkualu amerlanersaat kommunit isumaginnittoqarfiini sulillutik. Ikinnerussuteqaraluarlutik amerlasuut, sisamararterutaat, sulereeraangamik qasulluinnartutut misigisarput.

Ilarpassui taamatut qasujunnaartarput aqaguani suliartunnginnerminni, qulerarterutingajaalli nukissaarussimasutut misigisarput. Tamanna akunnakusoortortaqarpoq sivisuumik napparsimasutut nalunaartoqarneranik suliunnaarallartoqarneranillu kinguneqarsinnaammat.

Misissuinermi aamma uparuarneqarpoq isumaginninnermik suliaqarfinni suliffimmi kingullermi atorfinittartut sivisunngitsumik atorfimminniittarnerat, tamannalu isumakulunnartoqarpoq. Sivisunngitsumik atorfimmiinnermut ilaatigut pissutaasarput inuit atorfimminnit soraarartarnerat allamillu suliffittaartarnerat. Tamanna peqatigiiffittut neqeroorutigisinnaasat killeqalernerannik (lav organisationshukommelse) kinguneqarsinnaavoq, tamakkulu isumaginnittoqarfinni suliassanik ataqatigiissumik isumaginnissinnaassutsimut akornutaasinnaapput.

Isumaginnittoqarfinni ilaatigut suliarinneriaatsit pitsaavallaanngillat sullissallu iliuusissaannut tunngatillugu malittarinnilluartoqarneq ajorluni. Taamaattumik pisortatigut suliffeqarfiit iliuuseqarnerusinnaapput sulisut iluaqutissaannut suliffianni tarnikkut avatangiisigissaarnissaannik qulakkeerinissamik pingaartitsiuarumallutik. 

Nalunaarummi erseqqissarneqarpoq siunissami isumaginnittoqarfinni suliffinni avatangiisinik misissuisoqarnissaata pingaaruteqassusia, ingammik meeqqanik ilaqutariinnillu isumaginnittoqarfinni sulisoqartarmat ilaannikkut suliassaqarpallaarujussuartartunik.

Nalunaarut suliarineqarpoq lektorimit aamma ph.d.-mit Steven Arnfjord-imit



Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk