Nutaamik suleqatigiissitaliortoqarpoq

Nutaamik suleqatigiissitaliortoqarpoq

15.10.2018

Tallimanngornermi oktobarip 12-ianni 2018-imi inissitsiteriviusumik ataatsimeeqqaartoqarpoq ataatsimiititaliami nutaarluinnarmi nunatsinni ilinniarnertuunngorniarfinni sisamani rektoriusunit Ilisimatusarfimmilu rektorimit ilaasortaaffigineqartumi.

Ataatsimiititaliamit ilaatigut suliniutigineqassaaq ilinniarfinni aamma ilisimatuutut ineriartortitsinermilu suliniutigineqartuni suleqatigiinnerunissaq aammattaaq Ilisimatusarfiup GUX-illu akornanni attaveqarluarnerulernissaq sammisaqartitsinerit arlallit aqqutigalugit, soorlu ilinniartitsisut ilinniartullu paarlaateqatigiittarnerisigut.

Ataatsimiititaliap tullissaanik decembarimi ataatsimiinnissaani suleqatigiinnissamut isumaqatigiissusiortoqassaaq ukiuni pingasuni tulliuttuni atuuttussamik.

Inissitsiteriviusumik ataatsimiinnermi rektori Brian A. Johansen, GUX-imi Qaqortumeersoq, siulittaasutut qinigaavoq Ilisimatusarfiup rektoria Gitte Adler-Reimer siulittaasup tulliatut ukiuni pingasuni atuuttussanik qinigaasut.

Paasissutissat amerlanerusut pineqarsinnaapput siulittaasumit siulittaasullu tullianit.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk