Ilisimatusarfimmi - ujarlerpoq

Ph.d.-inngorniummik illersuineq

01.09.2020

Ataasinngormat aggustip 24-anni Rosannguaq Rossen ph.d.-nngorniutiminik ima qulequtalimmik illersuivoq: "Branding igennem moden - Den vestgrønlandske kvindedragt som symbol" (Atisat aqqutigalugit ilisarnaasersorneq - Kitaani arnat kalaallisuui ilisarnaatitut).

Rosannguaq Rossenip ph.d.-nngorniutaa nunatta kitaani arnat kalaallisuuisa inuiaqatigiinni kalaallini pilerisaarutitut takutitassiatullu qanoq atorneqartarnerannut tunngavoq – aammali arnat kalaallisuuisa piffissap ingerlanerani Kalaallit Nunaanni ilisarnaatitut qanoq atorneqarsimanerannut tunngalluni.

Ph.d.-nngorniummi sammineqarneruvoq ’kalaaliussusermut’ immikkut takussutissaanera tunngavigalugu – arnat kalaallisuuinik ineriartortitsinermut nutarsaanermullu inuiaqatigiit kalaallit inuiattut qanoq qisuariartarsimanerat.

Ph.d.-nngorniut allaaserisanik sisamanik nunatta kitaani arnat kalaallisuuisa oqaluttuarisaanerannik ersersitsisunik pingaarnersaqarpoq, arnat kalaallisuuisa ilusiisa isikkuisalu kalaallit Europamiunut, ilaatigut danskit/Norgemiut 1721-mi ajoqersuiartortitaannut, attaveqaleriartuaarnerat ilutigalugu qanoq allanngoriartorsimanerannik ersersitsinissaq siunertaralugu.

 



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk