Pineqaatissinneqarsimasut illersuisoqarnissaannik aaqqissuussaq pillugu nalunaarut

Pineqaatissinneqarsimasut illersuisoqarnissaannik aaqqissuussaq pillugu nalunaarut

03.12.2018

Sisamanngornermi novembarip 8-anni lektorip ph.d.-p Annemette Nyborg Lauritsen-ip Inuiaqatigiilerinermut Immikkoortortameersup Danmarkimi aamma Kalaallit Nunaanni pineqaatissinneqarsimasut illersuisoqarnissaanik aaqqissuussamik naliliinermik nalunaarut saqqummiuppaa.

Naliliinermik nalunaarutip qulequtaraa  "Livline til verden - en udredning af bistandsværgeordningen for forvaringsdømte og psykisk syge foranstaltningsdømte grønlændere i Danmark og Grønland" - taannalu suliarineqarpoq Københavnimi Kalaallit Illuutaat suleqatigalugu.

Nalunaarummi paasissutissiissutigineqarpoq illersuisoqarnissamik aaqqissuussaq qanoq aaqqissugaallunilu ingerlanersoq Danmarkimi aamma Kalaallit Nunaanni. Tamatuma kingorna nalunaarummi innersuussuteqarpoq aaqqissuussaq qanoq pitsanngorsarneqarsinnaaneranut - ilaatigut pitsaanerusumik paasissutissiinermut, illersuisunut kalaallinut ukiumoortumik pikkorissaanermut aamma Kalaallit Nunaanni qullersamik ataqatigiissaarisoqalernissaanut tunngatillugu.



Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk