Ilisimatusarfimmi - ujarlerpoq

Qimmit qimuttut Thule-kulturip inui peqatigalugit Sibiriamiit Kalaallit Nunaannukarput

27.11.2019

Tusagassiutitigut
nalunaarut - atuaruk

Qimmeq pillugu ingerlassami nutaamik paasisaqartoqarpoq, tassalu Inuit Sibiriamiit Alaskakkoorlutik Kalaallit Nunaannut ingerlaarnerminni namminneq qimmiminnik nassataqarsimasut. Paasisaq tamanna tuluit atuagassiaanni tutsuiginartumi "Proceedings of the Royal Society B" ullumikkut saqqummiunneqarpoq.

Qimmit siulii pillugit paasiniaaneq aatsaat taamak annertutigisoq pisimavoq, ilisimatuullu suleqatigiit, Tuluit Nunaanni Exeter Universitetetimiit dr. Carly Ameen kiisalu Qimmeq pillugu ingerlassamiit ph.d-iinngorniaq Tatiana Feuerborn kiisalu Københavnip Universitetiani GLOBE Instituti ukiut pingasut sinnerlugit Sibiarimiit, Amerikka Avannarlermiit Kalaallillu Nunaanniit assaanikkut nassaanik misissuinermikkut paasiniaasimapput.

Amerikkami Avannarlermi inoqarnera tamaat qimmeqartoqarsimavoq, siornatigulli inuit Thule-meersutut taagorneqartut qimmiisa Inuit qimmiinit (Kalaallit Nunaanni; Saqqaq aamma Dorset-kulturit qimmii) allaanerunersut ilisimasimanngilarput. Maanna ilaatigut Tatiana Feuerbornip nutaanik ilisimasaqalersippaatigut:

"Misissukkatta takutippaat qimmit Inuit Thule-kulturimeersut nassarsimasaat Amerikkap Avannarliup Issittortaata qimmiinit allaanerusimasut, taamatullu inuiaqatigiinni ingerlalluartuni Inuit nikerarsinnaanerannut piniarsinnaanerannullu immikkorluinnaq apeqqutaasimasut".

 

Tatiana Feuerborn Greenland Science Week-imut atatillugu Nuummiissaaq, sisamanngornermilu 5. december nal. 15.00-16.00 Qimmeq pillugu ingerlassaq suliaminik Katuami saqqummiussippat paasisaminik oqaluttuussissaaq.

Attavissaq: Tatiana Feuerborn +45 91 11 85 89.

 

Aammattaaq sisamanngorpat 28. november nal. 19.30-21.00 Anders Johannes Hansen Qimmeq pillugu ingerlassameersoq Ilisimatusarfimmi oqalugiassaaq qulequtalimmik "Kalaallit qimmiat suua?".

 

Tusagassiutinut nalunaarummut uunga Carsten Egevangip assilisaa ilanngunneqarpoq. Asseq Qimmeq pillugu ingerlassamut taamaallaat attuumassuteqarpat atorneqarsinnaavoq, allatullu atorniaraanni isumaqatigiissuteqaqqaarnikkut tamanna pisinnaavoq. Assiliisoq allanneqassaaq Carsten Egevang / Qimmeq.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk