Tuluttut ilinniartitsisoq Amerikamiu

Tuluttut ilinniartitsisoq Amerikamiu

03.09.2018

Danmarkimi Amerikamiut aallartitaqarfiannik suleqateqarluarnerput pissutigalugu Ilisimatusarfik GUX-ilu Nuummiittoq ukiaru Fulbrightimi ilinniartumik tikeraartoqassaaq ETA-programmi aqqutigalugu.

ETA tassaavoq English Teaching Assistant - taamaattumik Ilisimatusarfik GUX-ilu Nuummiittoq tuluttut ilinniartitsinitsinni Fulbrightimi ilinniartumit ikiorneqassaagut. Tamanna pissaaq Ilisimatusarfiup Ilinniartitsinermi Ilisimatusarfittaani.

Qilanaareqaarput Fulbrightimi ilinniartup Nuummut Nunatsinnullu tikilluaqqunissaa, qularutiginngilarpullu maaniinnera ingerlalluarumaartoq.

ETA-programmi pillugu:

ETA-programmi Fulbrightimi ilinniartunut aaqqissuussaavoq, immikkullu qinigaasoqartarpoq piginnaasat tunngavigalugit.

ETA-meersut sulisuuneq ajorput akissarsinerlu ajorlutik - peqatigiiffimmilli USA-miittumit ilinniartutut legatinnattarput IIE-mik (Institute for International Education) taaguutilimmik. Aningaasat Københavnimi Amerikamiut aallartitaqarfianneersuupput.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk