Ilisimatusarfimmi - ujarlerpoq

Ukioq manna NunaMed-imi tamanut matumik ammaaneq iluatsilluartoq

01.11.2022

Peqqinnissaq pillugu ataatsimeersuarneq NunaMed Nuummi kingumut ingerlanneqarpoq.

Taanna ataatsimeersuartarnerit aqqanilissaraat, ukioq mannalu annertusivoq. NunaMed Kalaallit Nunaanni peqqinnissaq pillugu ilisimatuisarnermi ataatsimeersuarnerit pisoqaanersaralugulu annertunersaraat, 400-illu sinneqartunik peqataaffigineqarnikkut rekortiliilluni.

Unioq manna NunaMed ilisimatusarnermi sammisat amerlaqisut ilagaat diabetes, kræfti, imminut toquttarnermik pitsaaliuineq, nakuuserneq, atornerluineq, nunatsinni Peqqinnissaqarfimmi aalaakkaasumik sulisussaqarniarneq, nappaatilinnik peqataatitsineq, peqqinnissakkut suliallit ilinniartitaanerat, pinngoqqaatilerineq, issittumi peqqinneq, silap pissusaa allarpassuillu.

Gert Mulvad, nakorsaq immikkut ilisimasalik Dronning Ingridip Peqqissaaviani kiisalu Peqqissaanermik Pinngortitamillu Ilisimatuisarfimmi atorfeqartoq, NunaMed pilersinneqaqqaarmalli peqataasimavoq. Iliuatsilluartutullu kingumut qiviaqqissinnaalluni.

"Ilisimatusarnermik nakorsaanermillu atassusiinissaq NunaMedimi siunertaavoq. NunaMedimi peqataasut attaveqalernissamut ukioq mannalu sammisaqarluni naapinnerni amerlaqisuni ilisimalikkaminnik atuinissaminnut periarfissaqarput".

Ukioq manna pingaarnertut najoqqutassaq nutaaq aaqqisuunneqarpoq. Arfininngornermi oktobarip ulluisa aallaqqaataanni matu tamanut ammarneqarpoq, kagimillu illulikkamik kaffillertoqaluni. Piffissami tamatumani allagartarsualiarpassuit ilisimatusartut suliarisimasaat tamanit takuneqarsinnaapput. Allagartarsuarpassuit ilisimatusarnikkut suliniutinik nutaanik imaqarput, taasinikkullu allagartarsuit arlaat pitsaanerpaatut toqqarneqartussaalluni. Katuaq peqataasunik avataaniillu takkuttunik ulikkaarpoq. Oqallippalaaq allagartarsuarpassuillu assut soqutigineqarlutik atuarneqarput. 

NunaMed aqutsisoqatigiinnit pisortaqarfinnit assigiinngitsuneersunit, tamarmik Ilisimatusarfimmut peqqissutsimullu ilisimatusarfimmut attaveqartunit namminerlu piumassutsiminnik sulisunit aaqqissuunneqarpoq.

Ataatsimeersuarneq septembarip ulluisa 30-ianniit oktobarip ulluisa aappaannut ingerlanneqarpoq.

Attavissaq: Simon Hybschmann.



Kommunikationskontor

Kom nemt i kontakt med vores kommunikationskontor

Læs mere

Pisussat

Ilisimatusarfik pisussat

Atuaruk

Tusagassiuutit

Ilisimatusarfik tusagassiuutini

Atuaruk