Ilisimatusarfimmi - ujarlerpoq

Oqalugiaat (11/02)

11.02.2015

Sprog, Litteratur & Medier-klubbi oqalugiartitsiniarpoq (qallunaatut, kalaallisut nutserisoqarsinnaalluni) 

- tamassi tikilluaqqusaavusi!

Pingsunngornermi februaarip 11-anni 2015 nal. 19.30 - 21.30

Ilimmarfiup auditoriaani

 

Oqalugiartoq: P.hd.-inngorniutissaminik suliaqartoq Ilisimatusarfimmilu tikeraartuulluni ilinniartitsisoq, Anne Mette Jørgensen, Københavnip Universitetimeersoq

Kitaani filmiliat qaqutigoortut - Jette Bangimit 1938-39

 

Assiliisup Jette Bangip ukioq 1938-39 Kitaa angalavaa, kujataani Qaqortumiit Avanersuarmut, assilisarpassuaqarluni filmiliaqarlunilu. Filmiliaasa ilaat atorneqarput filmi 'Inuit' suliarineqarmat, ilarpassuili suli atorneqanngillat takutinneqarsimanngisaannarlutillu. Filmiliuummik assilisat 'puigukkat' tamakku nunatsinni taamani pissutsinik takutitsipput, soorlu aalisarneq, aatsitassarsiorneq savaateqarnerlu; radioqarfiit, naqiterivik, atuarfiit, oqaluffiit qanoq ingerlanersut, meeqqat pinnguartut, inersimasut niuertarfinni nutaaliani niuerniartut,  napparsimasut qanoq passunneqartarnersut, politikkimik qanoq samminneriaaseqarnersut allarpassuarnillu. Naatsumik oqaatigalugu sinerissami niuertoqarfinni asimioqarfinnilu inuit qanoq inuuneqarnersut takutinneqarpoq, ilaat nutaaliaasumik inooriaasillit - ilaat qanganisarpalunnerusumik. Filmiliuummik assilisat qallunaat aqutsinerannik Naalagarsuit - Grønlands Styrelse aqqutigalugu ingerlatsinerannik nersorinninniutitut isigineqarsinnaapput, taamaattorli aamma inuiaat kalaallit taamani inuusaasiannik takutitsisuupput pingaaruteqartut.

Filmiliat ilaat takutinneqassapput qanorlu pinngorsimanerat oqaluttuarineqassalluni, sunalu pissutigalugu ukiorpassuarni toqqortaaginnarsimanersut qulaarneqassalluni. Tamanna tunngaveqarpoq assilisat tamakku maanna illoqarfinni assiliiffigineqarsimasuni katersugaasivinnut tunniunneqartussanngormata. 

Oqallittoqarsinnaavoq apeqquteqartoqarsinnaallunilu - unillatsiarnermi kaffi/tiillertoqassaaq.



Attavissat

Assigiinngitsut aqqutigalugit attavigisinnaavatsigut

Atuaruk