Ilisimatusarfimmi - ujarlerpoq

Sulilernermut atatillugu oqalugiarneq, professor Ida Willigimit

13.09.2016

Qaaqqusissut

Tusagassiornermik Immikkoortortami (TI-mi), Inuiaqatigiilerinermik, Aningaasarsiornermik Tusagassiornermillu Ilisimatusarfiup ataaniittumi ilisimatusarnermi suleqatitut isumaqatigiissuteqarfigineqarpoq professor Ida Willig, Danmarkimi Roskilde Universitetimi ukiorpassuanngortuni ilisimatusarlunilu ilisimatuutut sulisimasoq. Taassuma fagitut suliassaqarfigaa tusagassiuutilerineq isumaqatigiissutaasorlu naapertorlugu Ida Willig ukiuni tallimani suleqataassaaq.

Tamanna nalliuttorsiutigineqassaaq marlunngornermi 13. september 2016, Ilimmarfiup kantinaani nal. 15-17. Peqataanissannut tikilluaqqusaavutit.

Taamatut isumaqatigiissuteqarnikkut tusagassiornermik ilinniartitsinermi ineriartortitseqqittoqarnissaa pilersaataallunilu anguniagaavoq, tusagassiornermik ilinniakkap ilisimatusarnermik tunngaveqarnissaa qulakkeerneqarluarniassammat.

Professor Ida Willigip suleqataaffigisinnaassavaa Tusagassiornermik Immikkoortortami ilisimatusarnerup ilinniartitsinerullu nukittorsarneqarnissaa taamalu peqataaffigalugu Ilisimatusarfiup maani avataanilu attaveqarnerulernissaa.

 

Tusagassiuutilerinermi professorip Ida Willigip ilisimatusarnermi suleqatigilerneranik malunnartitsinissamut programmi

Sumiiffik: Ilimmarfiup kantiinaani

Ulloq: 13. septembari 2016

  • Nal. 15.00 - 15.15: Ilimmarfiup kantiinaani cafémi naapinneq
  • Nal. 15.15: Rektor Tine Parsip tikilluaqqusinera
  • Nal. 15.20: Sulilernermut atatillugu oqalugiarneq, professor Ida Willigimit v. professor Ida Willig
  • Nal. 16.15 - 16.30: Apeqqutit oqallinnerlu
  • Nal. 16.30-17.00: Naapisimaarneq

 

Inussiarnersumik inuulluaqqusillunga

Naja Paulsen

Imm. pisortaq



Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk