Ilisimatusarfimmi - ujarlerpoq

Oqalugiaatinut marlunnut qaaqqusissut

11.04.2018

Kalaallisuumut ingerlaannartumik nutserineq 

YouTube-ikkut toqqaannartumik aallakaatitsineq

Inuiaat Kulturiannut Oqaluttuarisaanerannullu Immikkoortortaq oqalugiaatinik marlunnik tusarnaariaqqusivoq kulturimik ilisimatuumit Anne Folke Henningsenimit (ph.d.) aamma oqaluttuarisaanermik ilisimatusartumit Søren Rudimit (ph.d.) oqalugiaatigineqartussanik

Etnografii tunngavigalugu uumassusilinnik saqqummersitsineq Københavnip uumasuusiviani Tivolimilu (Anne Folke Henningsen)

Oqalugiaammi Anne Folke Henningsenip oqaluttuarissavai Danmarkimi 1800-kkut naaneranni 1900-kkullu aallartinneranni etnografii tunngavigalugu uumassusilinnik saqqummersitsisarnerit. Saqqummersitsinerit danskinut silarsuarmi inuiaat pillugit paasititsiniutaapput ’ulluinnarnik’ aaqqissuussanik takussutissiat aqqutigalugit. Oqalugiaat atuakkamik Menneskeudstilling-imik tunngaveqarpoq. Uumasuusivissuarmi Tivoli-milu allamiunik takutitsineq 2011-meersoq, Rikke Andreassen suleqatigalugu suliaq.

  • Anne Folke Henningsen ajornartorsiutinik museologiimut, kulturikkut kingornuttakkanut erindringspolitikkimullu tunngasunik ilisimatusarpoq. Takornartaassusermik takussutissiorneq Nationalmuseet-llu saqqummersitani etnografiimut tunngasuni inuusanik atuineq kiisalu Danmarkimi etnografiimut tunngasunik uumassusilinnik saqqummersitsineq allaatiginikuuai. Aammattaaq Gad-ip atuakkanik tulleriinni saqqummersitaani Danmark og kolonierne-mi ’Koloniernes spor’-imi ilassuteqarluni allaatiginikuuai nunasiatut kulturikkut kingornuttakkat erindringspolitikkilu.

Kalaallit Nunaanni nunasiaateqarneq: ilitsoqqussat, siulersuineq kingornussallu (Søren Rud)

Oqalugiaat danskit Kalaallit Nunaanni nunasiaateqarnerata qanoq issusianut tunngavoq atuakkiaanit Colonialism in Greenland-imit saqqummeqqammersumit aallaaveqarluni. Tradition, Governance and Legacy-mi Søren Rudip oqaluttuarissavaa danskit nunasiaateqarnerat immikkut ittoq. Tamatuma saniatigut Kalaallit Nunaata nunasiaatitut eqqartorneqarsinnaanera /-tariaqarnera ullumikkut oqallisaasoq pillugu isummat saqqummiunneqassapput.

  • Søren Rudip Danmarkip aamma Kalaallit Nunaata imminnut atassuteqarnerat ilisimatusarfigaa. Suliamini sammineruai Danskit Kalaallit Nunaannik nunasiaateqarnerat nunanilu allani ineriartornermut sanilliullugu. Tamatuma saniatigut oqartussaasut peqatigiissortallu Københavnimi piitsunik aqutsillutillu siulersueriaasiat Kalaallit Nunaanni kalaallinik aqutsillutillu siulersueriaasiannut sanilliussivoq.

Qaqugu: pingasunngorneq apriilip 11-at, nal. 18.00

Sumi: Ilisimatusarfimmi campus Ilimmarfiup auditoriaani

  • Oqalugiaatit qallunaatuujussapput
  • Oqalugiaatit kalaallisut ingerlaannartumik nutserneqassapput .. YouTube-kanalitsinnilu toqqaannartumik aallakaatinneqassallutik
  • Kaffeqarlunilu teeqassaaq kaageqarlunilu – aperisoqarnissaanullu oqallinnissamullu piffissaqartoqassalluni


Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk