Ilisimatusarfimmi - ujarlerpoq

Robert Petersen

16.04.2018

Ilisimatusarfiup rektoriata siulliup, professorip soraarnerup Robert Petersenip, apriilip 18-ani 2018 90- iliinissaa malunnartinniarlugu Ilisimatusarfik Ilimmarfimmi kaffillerniarpoq.

Ataasinngorneq apriilip 16-ani nal. 15:00 Ilimmarfimmut kaffisoriarnissamut tikilluaqquatsigit.

Robap suliarpassuisa ilaat assimerngillu saqqummersinneqassapput. Saqqummersitsinerit Allagaateqarfiup, Groenlandicap Ilisimatusarfiullu aaqqissugaat takuneqarsinnaassapput.

 

Robert Petersen

Inuusoq apriilip 18-anni 1928 Maniitsumi.

Ukioq 1948 Ilinniarfissuarmi ilinniartitsisunngorpoq, Danmarkimilu ilinniartitsisunngorluni 1953-imi.

1967-imi Københavnip Universitetiani mag.art.-itutsoraarummeerpoq, 1975-imilu Københavnip Universitetiani eskimologiimiprofessorinngorluni.

Ilisimatusarfiup aallarnisarneqarnerani suleqataavoq,1983-imilu Ilisimatusarfiup aallarniutaa, Inuit Institut,pilersinneqarmat tassani pisortaalluni.

1987-imiit 1995-imi soraarninngornissami tungaanutIlisimatusarfiup universitetitut taaguuteqalerneraniit tassani rektoriuvoq.

1992-imi Laval Universitymi Quebecimi ataqqinaammikdoktorinngortinneqarpoq, 2010-mi Ilisimatusarfimmi ataqqinaammik doktorinngortinneqarluni. Arlalinnittaaq suliani pillugit nersorniarneqartarpoq.

Allattaasitaap pilersinneqarnissaanut suleqatigiissitanut peqataavoq. Allattaasitaaq 1973-imi pisortatigoortumik atorneqalerpoq.

Issittumi ilisimatusarnerni ukiorpassuarni tatigineqarluni suleqataavoq, nunat inoqqaavittaaq pillugit ilisimatusarluni suleqatigiinnut arlalinnut peqataasarluni.



Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk