Ilisimatusarfimmi - ujarlerpoq

Oqalugiarneq: Oqaatsivut imminoriartulerpat?

11.01.2018

Ilisimatusarfimmiit saqqummiineq
Aningaasaliisoq: Nunafonden & Katuaq

Ilisimatusarfimmiit saqqummiineq

Oqaatsivut imminoriartulerpat? Oqaatsinik illersuinerup nassuiarneqarnera

BA-projekti: Oqaasilerinermut, Atuakkialerinermut Tusagassiuutilerinerlu

Kalaallit oqalunnikkut immitsinnut assut piumasaqaateqarfigisarpugut. Oqalunnerput paasinaraluarpalluunniit naqqissuigajuppugut.

Oqaatsinik akooreqqusinnginneq oqaatsini assigiinngitsuni tamani takussaasarpoq, aamma kalaallisut oqaatsitsinni.

Oqallinnermik misissueriaatsit ilaat atorlugu oqaatsinik illersuiniarnerup qanoq ittuusinnaanera uani misissorneqarpoq.

Nunagisamik pingaartitsineq kusanartumillu oqaloqqusineq oqallinnermi initupput, ilaatigut nunatta oqaluttuarisaaneranut atassuserneqarsinnaasumik.

Utoqqaanerusut oqaatsinut ilisimannilluartutut isigineqarput inuusunnerillu oqaatsinik aserorterisutut nalilerneqarlutik.

Oqallinnermi oqaatsit akoorneqanngilluinnarnissaat avataaniillu sunnerneqannginnissaat pingaartinneqarpoq, ilanngullugulu kikkut oqaatsit qanoq atorneqarnissaannut oqartussaanerunersut eqqartorneqarput.

Oqaatsinik illersuiniarneq silatusaartumik atorneqaruni inuiaqatigiinni oqaatsit tamakkiisumik atorneqarnissaannut ikiuutaalluarsinnaavoq, tamannali oqaatsinik atuisut aalajangigassaraat.

Saqqummiisoq: Camilla Kleemann-Andersen

 

Sumi: Lille Sal (Katuaq)

Ulloq: 11 januaarip 2018, nal. 19.00 - 21.00    

 

Iserneq akeqanngilaq

Kissartutugassanik peqarumaarpoq

Aaqqissuussaq kalaallisut ingerlanneqarumaarpoq

Aningaasaliisoq: Nunafonden & Katuaq



Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk