Ilisimatusarfimmi - ujarlerpoq

Allallaqqissinissamik pikkorissarneq

15.05.2018 - 18.05.2018

Peqataaniartunut nalunaarfissaq
kingulleq: 01 maaji 2018

Atuakkiortunngornissat sinnattoraajuk imaluunniit allattaatsit pitsanngortikkusuppiuk?

Maajip 15.-18.-ini 2018-imi Tusagassiornermut Immikkoortortaq allallaqqissinissamik pikkorissartitsiniarpoq. 

Pikkorissartitsinissaq tusagassiuutini sulisunut neqeroorutaavoq allalli – ilinniartut paasissutissiinermillu suliallit ingerlaqqissutaasumik ilinniagaqarsimasut pikkorissarnermi Nuummi Ilimmarfimmi ingerlanneqartussami peqataasinnaapput.

Akiliutissaq 450 kr.-iuvoq(nerisaqarnermut) Tusagassiornermik Suliaqartut Peqatigiiffiata/TP ilaasortaanut Ilisimatusarfimmilu ilinniartitsisuusunut. Ilisimatusarfimmi ilinniartunut pikkorissaqataaneq akeqanngilaq. Suliffeqarfinnit allanit peqataasut ullormut akiliutissaraat 750 kr.

Pikkorissarnissami danskisut ingerlanneqarnerusussami kalaallisut allattarsinnaavutit, tamanna illit kissaatigigukku. Sammisassat tassaapput oqallorissutsimik ilisimasat oqaluttuariaatsillu iluini oqariartaatsit kiisalu tamakku pillugit eqqarsaasersortarnerit. Allattaatsippit iluani piginnaasassannik nutaanik ilinniartinneqassaatit immaqaluunniit-una allallutit paasissutissiisarninni sakkussatit nutartertariaqalersimagitit.

Aammattaaq pikkorissarneq manna allallaqqissinissamik sivisunerusumik ilinniagaqalernissannut aallartissutaasinnaavoq ukiaru 2018-imi/upernaamullu 2019-imi ingerlateqqissinnaasannik, ullup ilaannaatigut ingerlatassamik.

Pikkorissarnissamut pilersaarut 01 maaji 2018-ip kingorna mailikkut nassiutissavarput, peqataanissat nalunaarutigiitigalugu.

Allattaaseq allatanillu naliliilluni eqqarsaatersortarneq pingaartillugit sammineqartussaapput.

  • Sumiiffik: Ilimmarfik nal. 9-15 ullut tamaasa
  • ECTS: 2,5 (startpoints)
  • Naliliineq: Angusivoq/Angusinngilaq (Pikkorissarsimanermut allagartaq)
  • Ilinniartitsisoq: Anne Kirstine Hermann, tusagassiortoq, antropolog & ph.d. 
  • Ikiorti: Tusagassiortoq & imm.pisortaq Naja Paulsen, Tusagassiornermut Immikkoortortaq
  • Nalunaarfissaq: naja@uni.gl kingusinnerpaamik ulloq 01 maaji 2018 nal. 12.00
  • Saaffiginniffissaq pr. tel.: + 299 38 56 48 iml. mobil +299 55 78 18
  • Kontakt pr. e-mail: naja@uni.gl

Piumasaqaat: Ingerlaqqiffiusumik ilinniagaqarsimanissaq taavalu ilinniartitsinermik danskisut kalaallisulluunniit ingerlanneqartumik malinnaasinnaanissaq.



Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk