Ilisimatusarfimmi - ujarlerpoq

Saqqummiineq: Inatsisitigut ataataqanngitsunut sunniutaasinnaasut

22.03.2018

Saqqummiineq:
Katuaqs lille sal

Saqqummiineq: Bachelorimut suliaq ”Inatsisitigut ataataqanngitsunut sunniutaasinnaasut”, Vivi Noahsen, Stud. Cand. Mag. Inuiaat Kulturiat Oqaluttuarisaanerallu, Ilisimatusarfik

Kalaallit Nunaata qallunaanit nunasiaataasimanera oqaatigineqaraangat amerlasuut ilumoorneraallutik anngaasarput. Kisianni 1953-ip kingorna kalaallit inuiaat qallunaat naalagaaffiannut naligiittut ilanngutsinneqarput. Kalaallit Nunaanni nutarterinissamik ingerlatsinerup ilaattut angutit nunanit takornartaneersut amerlasoorpassuit Kalaallit Nunaaliartarput Kalaallit Nunaannik nutaaliaasumik sanaqataajartorlutik. Anguterpassuit tamakkua kalaallinik arnanik naapitsisarput tamakkualu arnat katissimanatik naartulersarlutik. Angutit angerlarlutik aallaleraangamik meeqqat kalaallit aappatut katissimanngisamit meerartaarisatik qimaannartarpaat. Meeqqat tamakkua ataataasumit meeqqiaallutik akuerineqarnissamut piumasaqarsinnaasimanngisaannarput.

Kalaallit politikeriisa inatsimmi putoq maluginiaqqusimagaluarpaat aamma ukiut ingerlaneranni ajornartorsiut taanna qaqinneqartarsimavoq, iliuuseqarfigineqartaranili. 2010- mi aatsaat ”Kattuffik Ataata” inatsisitigut ataataqanngitsunit pilersinneqarpoq, Oqaatigineqarpoq meeqqat katissimanngitsunik angajoqqaallit inatsisitigut periarfissaqaratik ukiut ingerlaneranni inunngorsimasut 5.000 missaanniittut. Kalaallit Nunaat 1953-imi qallunaat naalagaaffiannut ilanngutsinneqarpoq taamaattumillu aamma Danmarkip tunngaviusumik inatsisaata iluaniilerluni. Aalajangerneqarsimavorli meeqqat katissimanngitsunik angajoqqaaqarlutik inunngortut pillugit taamani malittarisassat atuuttut, danskit inatsisai naapertorlugit, kalaallinut atuutissanngitsut. Tamatuma nassataanik inatsisini ”putoqalerpoq”, taassumalu kingunerisaanik inatsisitigut ataataanngitsut piulerlutik. Meeqqat angajoqqaanik katissimanngitsunik angajoqqaallit - ”uersakkat”- pillugit inatsisitigut inissisimanerat amerlasuunit paatsuunganartinneqarsimavoq ullorlu manna tikillugu paatsuunganartinneqarluni. Amerlasuut isumaqarput meeqqat katissimanngitsunik angajoqqaallit inatsisitigut inissisimanerat qallunaanik ataatavilinnut taamaallaat atuuttoq. Inatsit tamanut atuupput, aamma meeqqanut kalaallinik ataatavilinnut. Inatsisitigut immikkoortitsineq ”uersakkanut” qanoq sunniuteqarpa? Inatsisitigut ataataqanngitsut nammineq inuttut qanoq misigisaqarsimappat? Saqqummiinermi ilaatigut taakku eqqartorneqassapput. 

  • Katuaqs lille sal
  • 22 marsi, nal. 19.00 - 21.00
  • Iserneq akeqanngilaq
  • Kissartutugassanik peqarumaarpoq
  • Saqqummiineq kalaallisut ingerlaneqassaaq


Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk