Ilisimatusarfimmi - ujarlerpoq

Ph.d.-ilinniarfimmit sullissisunut ilisimatitsissut

29.08.2019

Ph.d.-nngornianik atorfinitsitsisarneq pillugu tamanut ammasumik oqalugiartitsisoqassaaq. Oqalugiaat  Ilisimatusarfiup ph.d.-nngornianut ilinniarfianit aaqqissugaavoq nunatsinnilu pisortat namminersortullu suliffeqarfiinut ingammik soqutiginarsinnaalluni.

Ph.d.-nngorniat ilinniarnerannut atatillugu Kalaallit Nunaanni suliffeqarfiit Ilisimatusarfiullu suleqatigiinnerat qanoq suliffeqarfinnut iluaqutaasinnaanersoq ilisimatitsissutigineqassaaq. 

Sammineqartussat ilaatigut tassaapput: Ph.d.-nngorniamik atorfinitsitsinermi suliffeqarfimmut iluaqutissat; Ilisimatusarfik suleqatigalugu ph.d.-mut tunngasumik suliniuteqarneq suliffeqarfimmut qanoq iluaquteqarsinnaanersoq, aammalu; ph.d.-nngorniap ilinniarnini naammassiguniuk piginnaanerit suut suliffeqarfimmut pilerinarsinnaasut pigilersimassagai. 

Soqutiginnikkuit sisamanngornermi aggustip 29-ani, 2019 nal. 15:00 Campus Ilimmarfimmut aggerina.

 

Oqalugiaammi apeqqutit uku akineqassapput:

  • Inuussutissarsiutinut tunngassuteqartumik ph.d. sunaava? 
  • Ph.d.-mik suliniuteqarneq qanoq suliffeqarfimmut aningaasarsiornikkut periarfissiisinnaava?  
  • Ph.d.-mik suliniuteqarneq qanoq akeqarpa?
  • Suminngaanniit tapiissutinik qinnuteqartoqarsinnaava?
  • Ilisimatusarfiup suliffeqarfiullu suleqatigiinnissaannut periarfissat suuppat?
  • Ph.d.-mik ilinniagalimmik atorfinitsitsineq suliffeqarfimmut qanoq iluaquteqarsinnaava?


Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk