2019-imi atorfinnik nittarsaassinermut qaaqqusissut

2019-imi atorfinnik nittarsaassinermut qaaqqusissut

12.04.2019

Nalunaarfissap killinga:
29 marsi 2019

Asasavut Kalaallit Nunaanni suliffeqarfiit, peqatigiiffiit & atorfeqarfiillu;

Ilisimatusarfik iluatsilluareersumik misileeqqikkusuppoq – taamaattumik nuannaarutigaarput qaaqqusinnaagassi Ilisimatusarfimmi 2019-imi Atorfinnik Nittarsaassinermut. 

Atorfinnik nittarsaassisoqassaaq Ilisimatusarfiup kantiinaani tallimanngornermi apriilip 12-ianni 2019-imi, nal. 12.00 - 16.00.

Atorfinnik nittarsaassinermut siunertaavoq ilinniartut Nunatsinnilu suliffeqarfiit attaveqatigiillualernissaat – taamaattumillu atorfinnik nittarsaassinermi ilissi suliffeqarfittut/peqatigiiffittut/atorfeqarfittut periarfissaqarluarpusi ilinniartorpassuarnut suliffeqarfittut nittarsaannissassinnut.

Atorfinnimmi nittarsaassinissamut qaaqquneqarput Ilisimatusarfimmi ilinniartut tamarmik – Nuummilu inuusuttut ilinniarfiini ilinniartut tamarmik.

Allatut oqaatigalugu: Atorfinnik nittarsaassinermi ilinniartorpassuarnik siunissamilu sulisussassinnik naapisimaagaqarsinnaavusi.

Atorfinnik nittarsaassineq aamma tamanut ammasuussaaq – taamaattumik Nuummi innuttaasut soqutiginnittut tamarmik tikilluaqqusaangaarput.

Peqataaniarluni nalunaarnissamut killigitinneqarpoq tallimanngorneq marsip 29-at 2019.

 

Karrieremessen 2019: nalunaarneq | tilmelding


Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk