Ilisimatusarfimmi - ujarlerpoq

Aaqqitassanik tunngavilinnik suliniutinillu ukkatarinniffiusunik suliaqarneq pillugu oqalugiaat

19.02.2020

Oqalugiarneq videumut
immiunneqassaaq

Aaqqitassanik tunngavilinnik suliniutinillu ukkatarinniffiusunik suliaqarneq pillugu oqalugiaat Nikolaj Stegeager, Aalborg Universitetimi Institut for Kultur & Læringimi lektori oqalugiartoralugu.

Aalborg Universitetimi pædagogikkimi periuseq atorneqarnerusoq oqalugiaammi saqqummiunneqassaaq.

Suliniutini aaqqitassanik tunngavilinni teorii atorneqartartut sammineqassapput – ilaatigut periutsimi ilikkariartoriaatsinik paasinnittaatsit erseqqissut erseqqinngitsullu. Aammattaaq universitetini ilinniartitsinermi periutsip aaqqitassanik suliniutinillu tunngavillip qanoq ilusilerneqarneranik takussutissiaqassaanga kiisalu Aalborgimi periutsimik atuinerup iluaqutissartai ajoqutaalu oqallisigissallugit.

Oqallinnermi tamatumani ilaatigut sammissavakka misissuinernit arlalinnit paasinarsisoq periutsip taamaaginnartitsinermut, naammassinninnermut, ilinniarnissamut piumassuseqarnermut suliffeqarfinniilernissamullu piareersimanermut tunngatillugu iluaqutaanera, aammali tamatuma saniatigut pædagogikkimi periuseq tamanna pillugu isorineqartartut sammissavavut.

Oqalugiaat naggaserneqassaaq siumut qiviarluni, oqaluttuarissavaralu Aalborg Universitetimi periutsimik PBL-imik ineriartortitsinerit kingullit, tassa MEGA-projektinik taaneqartartut FN-ip silarsuarmut anguniagaanut 17-inut tunngatillugu suliniutinik aaqqitassanik tunngavilinnik atuiffiusartut.

  • Februaarip 19-iat 2020, nal. 14.00-16.00
  • Ilimmarfiup auditoriaani
  • Oqaatsit: qallunaatut

 

Atuaruk - nalunaarneq ..



Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk