Aningaasaliisussarsiortarnermik pikkorissarneq

Aningaasaliisussarsiortarnermik pikkorissarneq

18.09.2018 - 17.10.2018

Pikkorissarnermi siunertaq

Aningaasaliisussarsiortarnermik pikkorissarnermi siunertaavoq peqataasut naammaginartumik qaffasissusiimik aningaasaliisussarsiortarnermik piginnaasaqalernissaat. Siunertaavoq peqataasut aningaasaliisussarsiortarnermi suliassanik pissutsinillu annertunertunerusunik annikinnerusunillu suliaqarnissamut ilinniartinneqarnissaat.

Imarisaa periuserlu

Pikkorissarneq atuagarsorneq, aningaasaliisussarnermi suliassanik assersuutit sakkuvinnillu atuineq paarlakaallugit ingerlanneqassaaq, peqataasullu namminneq suliniutiminnik isumasioqatigiinnerit taakku marluk akornanni nammineerlutik suliaqassapput. Oqaluttuaaqqat ingerlaavartumik suliarineqartassapput, peqataasullu aningaasaliisussarsiortarnermi ajornartorsiutinik piviusunik misigitinneqartassallutik.

Eqqarsaataavoq peqataasut ataasiakkaat suliniutissatut isumassarsianik angerlarsimaffimmi kattuffimmit akuerineqarsimasumik aalajangersimasumik piviusumillu nassassasut. Eqqarsaataavoq peqataasut ataasiakkat pikkorissarnerup naammassinerani nassiuteriaannartmik aalajangersimasumik qinnuteqaasiorsimassasut – neriunarlunilu tamassuma kingorna aningaasaliiffigineqassallutik. Suliniutissatut isumassarsiaqanngikkaanni immaqa pikkorissaqatit allat arlaannik suleqateqartoqarsinnaavoq.

Aningaasaliisussarsiortarnermik pikkorissarneq ineriartortitsinertut aaqqissuunneqarpoq, tassani peqataasut aningaasaliisussarsiortarnermik tamarmiusumik suliaqarnermi tamanik takunninnissamik ingerlatsisinnaanermillu sungiusarneqassallutik: Suliniutissatut isumassarsiamiit suliniummik pilersaarusiornermut tapiiffigineqarnissamik qinnuteqaateqarnermut. Aamma EU-mi aaqqissuussinermik politikkinillu kiisalu nunami namminermi nunallu tamat akornanni (EU) tapiisarnermi periutsinik sukumiisumik ilisimasaqalernissamik aaqqissuussamik saqqummiisoqassalluni.

Pikkorissarneq katillugit ulluni tallimani ingerlanneqassaaq – taakkunannga ullut sisamaat avillugu ilinnniartitsivittoqassalluni ullullu marluk affaanni ataasiakkaat atuakkerisaminnik annertunerusumik saqqummiissapput, tamassuma kingorna pikkorissartut allat ilinniartits- isorlu isummersussallutik suliallu sunniutaanik malugisaminnik saqqummiissallutik. Peqataasunut pikkorissarnermi uppernarsaammik tunniussisoqassaaq.

Ilinniarnermi ukuninnga sammisaqartoqassaaq

  • Suliniutitsiliammut suna ilisarnaataavoq?
  • EU-mi suliniutit– periarfissarpassuit soqutiginartut
  • LFA allannguinerillu atuagarsorneq aallaavigalugit suliniutinik pilersaarusiorneq
  • Missingersuutit aningaasaliinissamullu pilersaarutit
  • Aningaasaliisussarsiornermi iluatsitsineq – Qinnuteqaat pitsaasoq
  • Inuussutissarsiortunik suleqateqarneq
  • Sunniiniartarneq
  • Atuakkerineq isummersornerlu

Kikkut peqataasariaqarpat

Peqataasut tamarmik namminersortuni pisortallu sulifeqqarfiini sulisoqarfiinilu aningaasaliisussarsiortarnermik suliaqarput suliaqalertussaallutilluunniit. Aamma peqataania- raanni aaqqissuussaamik piginnaasaqarnissaq piumasaqaataanngilaq, kisiannili atuakkerinissamik piumassuseqarnissaq periarfissaqarnissarlu iluaqutaassaaq. Peqataasut amerlanerpaamik 20-ussapput.

Piffissaq sumiffissarlu

Ilinniagaqarneq 2018-imi ukiakkut ulluni tallamini ingerlanneqassaaq:

  • 18 - 20. septembari
  • 16 - 17. oktobari

Ilinniarneq Nuummi Ilisimatusarfimmi ingerlanneqassaaq.

Akia

Ulluni ilivitsuni tallimani ilinniarnermut, ilinniartitsinermi atortunut, nammineq atuakkerisassap suliarineranut, ullup qeqqasiorneq, naggataarnersiorluni nerinermut kiisaalu atuakkerisap sunniutaanik malugisanik isummersorfigineqarnermut: peqataasumut ataatsimut 8000 kr.

Peqataasut aamma www.upfront.dk-mi 1.600,- kr.-nik nalilimmik qaammatini arfinilinni akeqanngitsumik ilaasortaassapput.

Nalunaarneq pilersaarullu

Nalunaarneq atorfigisap taaguutaa, attaveqarfigissaq il.il. ilanngullugit kingusinnerpaamik ulloq 1. septembari 2018 Ilisimatusarfimmi Ilisimatusarnermik ataqatigiissaarisumut pissaaq: Hans Kristian Olsen. Mail: hkol@uni.gl Telefon: +299 38 56 88.

Ilinniartitsisoq

Lotte Jensen, suliniutinik ineriartortitsinermi aningaasaliisussarsiortarnermilu suliffeqarfimmik Up Front Europe 1990- imiit piginnittoq aamma www.UpFrontNet.dk-mik piginneqataasoq – ineriartortitsinermi suleqatit aningaasaliisussarsiortar- tullu internertimi attaveqaqatigiittarfiat. Lotte ilinniartitsisutut misilittagaqarpoq, tamassumalu saniatigut Aningaasaliisussarsiortarnermik Ilinniartitsinermik ukiorpassuarni nammineq ingerlatsisarnikkulluni. Magistrenes Efteruddannelsemi ilinniartitsisuuvoq kiisalu Syddansk Universitetimi ”Aningaasa- liisussarsiortarneq suliniutinillu ineriartortitsineq”-mi lektori- ulluni avataaneersoq.



Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk