Ilisimatusarfimmi - ujarlerpoq

Ilumut maskiina kalaallisut nutserisinnaava?

03.04.2019

Beatrine Heilmann
& Per Langgård

SLM-KLUBBEN oqalugiartoqarnissaanut qaaqqusivoq - kikkulluunniit tikilluaqqusaapput.

Qallunaatuumit kalaallisuumut maskiinamik atorluartumik nutserisinnaaneq ulluinnarni Kalaallit Nunaanni inuppassuarnut oqilisaassingaatsiartussaavoq inuiaqatigiinnullu sipaarutaangaatsiartussaalluni. Taamaakkaluartoq amerlasoorpassuit isumaqarput tamanna sinnattuinnaasoq piviusorsiunngitsoq, pissutigalugu kalaallisut qallunaatullu allagaatit nutserneqarsimasut katersaaterpassuaatigineqanngimmata oqaatsillu imminnut assigiinngippallaarmata.

Taama Oqaasileriffimmi isummertariaaseqanngilluinnarpugut qularinngilluinnarparpullu kalaallisut qallunaatullu oqaatsit ilusaat misissoqqissaagaalluartut aallaavigalugit 2021-mi atorluartumik maskiinamik nutserutitaarsinnaalluta.

Oqalugiarnermi suliniutip killiffianik nassuiaasoqassaaq akimmiffiusullu ilaasa aqqiissutaat maannamut ineriatortinneqarsimasut oqaluttuarineqassallutik.

Oqalugiarneq kalaallisut qallunaatullu ingerlanneqassaaq.

  • Ping. 03 apriili 2019, nal. 19.30
  • Sumi: auditoriet, Ilisimatusarfik


Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk