Ilisimatusarfimmi - ujarlerpoq

Ataatsimeersuarneq Kalaallit Nunaanniittuaannalissaaq

02.12.2019 - 05.12.2019

Ullut ataatsimeersuarfiit sioqqullugit kingornaluunniit ilisimatuutut misissuinermut tunngasunik assigiinngitsunik aaqqissuussisoqassaaq, ilaatigut seminarinik, workshoppinik aamma ingerlatitseqqiinermut allanullu attaveqarnermut tunngasunik sammisaqartitsinernik, ullullu taakku tamarmik katillugit Greenland Science Weekimik taaguuteqartinneqassapput.

Naapeqatigiinnissamut allanullu, ilaatigut ilisimatuunut, inuussutissarsiornermik suliaqartunut, aalajangiisartunut inuiaqatigiinnullu issittumiittunut attaveqalernissamut asseqanngilluinnartumik periarfissaqassaaq – neriuutigeqaarput sammisaqarfinnit sapinngisamik amerlanerpaanit peqataaffigineqarumaartoq, issittumi ilisimatuutut misissuinerit Kalaallit Nunaannut tunngassuteqartut oqallisigineqarniassammata.

Pilersaarut suli suliarineqarpoq, aamma workshoppini seminarinilu sammineqartussat suli pilersaarusiorneqarput. Taamatuttaaq pilersaarummut ilanngunneqarumaarput aaqqissuussat neqeroorutillu assigiinngitsut.

Greenland Science Weekimi pingaarnertut pilersaarutigineqartut (suli pilersaarusiortoqarpoq):

  • Ataasinngorneq decembarip 2-at: workshoppit, seminarit allanullu attaveqarnermut tunngasunik sammisaqartitsinerit
  • Marlunngorneq decembarip 3-at: workshoppit, seminarit allanullu attaveqarnermut tunngasunik sammisaqartitsinerit
  • Pingasunngorneq decembarip 4-at: Issittumi Ilisimatuut Ulluanni ataatsimeersuarneq
  • Sisamanngorneq decembarip 5-iat: ingerlatitseqqiinermut allanullu attaveqarnermut tunngasunik sammisaqartitsinerit

Paasisaqarnerujumaguit attavigiuk suliniutinik ataqatigiissaarisoq Allan Olsen, Greenland Perspective, Ilisimatusarfik ugguuna: aols@uni.gl.

Greenland Science Week ukunannga aaqqissugaavoq: Ilisimatusarfik, AAU Arctic, Kommuneqarfik Sermersooq aamma Greenland Perspective.

Polarforskerdag Collage



Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk