Ilisimatusarfimmi - ujarlerpoq

Atorfinnik nittarsaassineq 2022

07.11.2022 - 25.11.2022

Nalunaarfissap killinga:
21 oktobari 2022

Asasavut Kalaallit Nunaanni suliffeqarfiit peqatigiiffiillu;

Ilisimatusarfik Ilisimatusarfimmi 2022-mi Atorfinnik Nittarsaassinermut alakkaaqqusivoq.

Atorfinnik nittarsaassineq ukioq manna allaanerulaartumik ingerlanneqassaaq - piffissamimi sivisunerusumi atorfinnik nittarsaassissagatta: tassa ulluinnarni 2022-mi novembarip 7-ianniit 25-annut, nal. 11.00 - 13.00 imlt. nal 12.00 - 14.00 Ilisimatusarfiup kantiinaani.

Ullut tamaasa suliffeqarfiit peqatigiiffiilluunniit marluk Ilisimatusarfiup kantiinaani nuisitsiveqartassapput - namminerlu aalajangerneqarsinnaavoq ullormi sorlermi qassinullu nittarsaassiniarnerluni. Soorunami aamma Nuummiinngikkaanni internetikkut (Microsoft Teamsikkut, Zoomikkut allakkulluunniit) nuisitsiveqartoqarsinnaavoq - taava uagut teknikkimut tunngasortai isumagissavavut.

Taamaalilluni ilinniartuutivullu eqqissisimanerulluta pissaagut - aamma ilinniartuutivut suliffeqarfiit peqatigiiffiillu assigiinngitsorpassuit pillugit piffissap sivisunerusup ingerlanerani ilisimasaqalissapput.

Atorfinnik nittarsaassinermut siunertaavoq ilinniartut nunatsinnilu suliffeqarfiit akornanni attaveqatigiilersitsinissaq - taamaattumillu suliffeqarfiit peqatigiiffiillu atorfinnik nittarsaassinermi ilinniartorpassuarnut suliffeqarfittut imminnut nittarsaannissamut periarfissaqarluassapput.

Peqataaniarlusi nalunaaruteqarnissinni ullormik piffissamik ilissinnut naleqquttumik toqqaaginnassaasi. Internetikkut nuisitsiveqarusukkussi peqataaniarlusi nalunaareerussi uunga e-mailimik nassiussiinnassaasi: per@uni.gl.



Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk