Ilisimatusarfimmi - ujarlerpoq

Internettikkut atorfinnik nittarsaassineq

12.04.2021 - 16.04.2021

Nalunaarfissap killinga:
31 marsi 2021

Asasavut Kalaallit Nunaanni suliffeqarfiit peqatigiiffiillu;

Siorna Ilisimatusarfimmi ukiumoortumik atorfinnik nittarsaassinissaraluarput Covid-19 pissutigalugu ajoraluartumik taamaatittariaqarsimavarput, ukiorli manna atorfinnik nittarsaassineq 2021 internettikkut piviusunngortissavarput, taamaattumillu qaaqqusinnaagassi nuannaarutigaarput.

2021-mi internettikkut atorfinnik nittarsaassinissarput sapaatip-akunnerata ataatsip iluani ingerlanneqassaaq:

  • Ataasinngornermi apriilip 12-ianni nal. 10.00 - 16.00
  • Marlunngornermi apriilip 13-ianni nal. 10.00 - 16.00
  • Pingasunngornermi apriilip 14-ianni nal. 10.00 - 16.00
  • Sisamanngornermi apriilip 15-ianni nal. 10.00 - 16.00
  • Tallimanngornermi apriilip 16-ianni nal. 10.00 - 16.00

Internettikkut atorfinnik nittarsaassinitta siunertaraa Ilisimatusarfimmi ilinniartut nunatsinnilu suliffeqarfiit imminnut attaveqatigiillualersinnissaat, taamaattumillu atorfinnik nittarsaassinermi suliffeqarfissi ilinniartunut nittarsaalluarnissaanut periarfissaqarluassaasi.

Atorfinnik nittarsaassinermut peqataarusukkussi matuma ataatungaatigut nalunaarsinnaavusi.

Atorfinnik nittarsaassinermut peqataaniarussi nalunaarsinnaavusi kingusinnerpaamik pingasunngornermi marsip 31-at tikillugu.

 

2021-mi Internettikkut atorfinnik nittarsaassinissaq naatsumik oqaluttuaralugu

Saqqummiussineq ataaseq nalunaaquttap-akunnerata miss. sivisussuseqartassaaq – assersuutigalugu suliffeqarfimmik saqqummiussineq aallarniutigineqarsinnaavoq, kingorna ilinniartut apeqquteqarsinnaallutik.

Peqataaniarluni nalunaarnermi ulluni sorlerni aamma ullup qanoq ilinerani suliffeqarfik pillugu saqqummiussiniarnerluni nammineq aalajangerneqartassaaq (ajornanngippat piffissanik arlalinnik toqqaasoqarsinnaavoq - ilinniartut suli amerlanerit anguneqarsinnaaniassammata).

Nalunaarnissamut killigititaq nallerpat linkit – tassa 'ininut' ilinniartutsinnut suliffeqarfissinnik saqqummiussiffissanut linkit – peqataaniarlutik nalunaarsimasunut tamanut nassiunneqassapput.

Nalunaarnissamut killigititaq nallerpat aamma paasissutissat - suliffeqarfiit sorliit qaqugu saqqummiussinissaannik nalunaarsorsimaffittallit – ilinniartutsinnut tamanut nassiunneqassapput. Ilinniartutut saqqummiussinissanut takorusutanut tamanut peqataaniarluni nalunaartoqarsinnaavoq.



Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk