Ilisimatusarfimmi - ujarlerpoq

Oqaatsit pillugit isumasioqatigiissitsineq

21.09.2022 - 22.09.2022

Piffissaq: 21 - 22 septembari 2022.

Sumiiffik: Ilimmarfik (inimi sorlermiussanersoq nalunaarutigineqarumaarpoq), Manutooq 1, 3905 Nuuk.

Peqataasussat: Oqaatsinik immikkut ilinniarsimasut, ilisimatuut, ilinniartitsisut, meeqqat atuarfiini, nunatsinni ilinniarnertuunngorniarfinni ilinniaqqiffinnilu ilinniartitsissutinut siunnersortit il.il., aamma Ilinniartitsinermik Ilisimatusarfimmi, Oqaasilerinermut, Atuakkialerinermut Tusagassiuutilerinermullu Immikkoortortami ilinniartut aamma nutserisunngorniat oqalutsinngorniallu.

Peqataanissamut akiliut: Inuk ataaseq 1600 kr.

Isumasioqatigiissitsinermut siunertaavoq kalaallisut, danskisut tuluttullu oqaasilerinerit assigiinngissutaannik saqqummiussinissaq, oqaatsini taakkunani allamiut oqaasiinik atuartitsissutissanik ineriartortitsinissaq allannissarlu siunertaralugu.

Siunertaavoq oqaasilerineq pillugu isumasioqatigiissitsinermi matumani ukiorpanni ukiut tamaasa ingerlanneqartarnissaa kalaallisut, danskisut tuluttullu oqaatsit allamiut oqaasiisut ilinniartitsissutinik ineriartortitsinissaq siuarsarniarlugu. 2016-imi isumasioqatigiissitsineq oqaasilerinermi valensimut tunngavoq 2018-imilu oqaatsini pingasuni taakkunani tempusimut tunngalluni, 2020-milu siulleqqiutinut (kalaallisut uiguutinut kingulleqqiutinullu) tunngalluni.

2022-mi isumasioqatigiissitsineq oqaaseeqqanut tunngassaaq.

Oqaaseeqqat kalaallisut, danskisut tuluttullu amerlavallaanngikkaluartut oqaatsini taakkunani erseqqissunik assigiinngissuteqarput.

Kalaallisut, danskisut tuluttullu oqaaseeqqat pillugit manuskripti aasaanerani peqataasussanut sulinngiffeqalerneq sioqqullugu nassiunneqarumaarpoq, siunertarineqarporlu peqataasussat tamarmik isumasioqatigiinnermi sammineqartussat tamaasa atuarsimassagaat.

Isumasioqatigiinnissamut maanna uku pilersaarutaapput:

  • Septembarip 20-at nal. 9.00-12.00: Oqaatsini pingasuni oqaaseeqqanik saqqummiussineq.
  • Septembarip 20-at nal. 13.-16.00: Workshoppit - apeqqutinik ilaatigut ukuninnga oqallisiginninneq:

Kalaallisut oqaaseeqqanik atuinermi danskisut tuluttullu isumaqataannik atuinermi suut ajornartorsiutaasarpat. 

Oqaatsini oqaaseeqqat ilaatigut qanoq isumaqarpat? 

Oqaaseeqqat suut ajornakusoornartortaqartarpat?

  • Septembarip 21-at nal. 9.00-12.00: Oqaaseeqqat qitiutillugit pædagogikkimi najoqqutarineqartartunik saqqummiussineq.
  • Septembarip 21-at nal. 13.00-16.00: Kalaallisut, danskisut tuluttullu workshoppertitsineq: ilinniusiarisat pillugit ilinniusiornermillu ingerlatsiinnarnissaq naammassinninnissarlu pillugit oqallitsitsineq.


Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk