Oqalugiaat tamanut ammasoq: siorna karrani tassaarsuaq

Oqalugiaat tamanut ammasoq: siorna karrani tassaarsuaq

03.05.2018

Kalaallisuumut ingerlaannartumik nutserineq
YouTube-ikkut toqqaannartumik aallakaatitsineq

Teologit peqatigiiffiannit oqalugiaammik tamanut ammasumik tusarnaariaqqusipput, oqalugiassammat palaseqarfiup palasii Flemming Pless aamma Leif G. Christensen, Københavnimeersut:

Siorna Karrani tassaarsuaq – sumik ilinniarfigisinnaavarput? Qanoq iliorsinnaavugut?

Flemming Pless aamma Leif G. Christensen Nunatsinnukassapput maajip aallartinnerani tassaarsuup 2017-imi juuniugaa Uummannap eqqaani nunaqarfinnik marlunnik eqquisup nalaani ikiuiniarluni iliuuserineqartunik misissuiartorlutik. Inuit sisamat ajunaarput, sulilu amerlanerujussuit sumiiffinnut allanut nuutsitaallutik.  

Inuunerup taama allanngorujussuariaannaatiginera Nunatsinni inuiaqatigiinnut qanoq sunniuteqarsinnaava? Ajunaarnersuaq 2017-imi juunimi pisoq peqqammermat, maannalu ukiup ataasinngulernerani, sumik ilinniarfigineqarpa? Inuiaqatigiit sunissaat naatsorsuutigineqarsinnaava, inuttullu ataasiakkaatut nammineq qanoq misigissutsikkut nukittutigissaagut?

Flemming Leifilu siornatigut allaaserinikuuaat 2001-imi New Yorkimi 9/11-ip nalaani aamma Connecticutimit New Townimi atuarfimmi allaasersortoqarnerani oqaluffiit iliuuserisimasaat, kingusinnerusukkullu misissuiffigaat oqaluffiit inuiaqatigiillu sunniutaat Christchurchimi New Zealandimiittumi nuna sajorujussuarmat. 

Teologit Peqatigiiffianni oqalugiaat najuuttut fagimik Pastoral care and counseling-imik ilisimatuutut misissuinernik kingullernik paasisaqarfigissavaat: Ajunaarnersuup nalaani kingornalu palasi ikiuiniartunik allanik suleqateqarnermini qanoq inissisimaffeqarpa? Oqalugiartoqareerpat apeqquteqartoqarsinnaavoq, oqalugiartussallu ima oqaaseqarput:

- Oqalugiaaterput ilissinnik – Kalaallit Nunaanni oqaluffiup pisuni alianartuni qanoq inissisimasinnaanera pillugu isumaqartunik – oqaloqateqarnertut taaneqarsinnaavoq.

Leif G. Christensen aamma Flemming Pless tamarmik Københavnip palaseqarfiani palasiupput Folkekirkens Katastrofeberedskab-imullu ilaallutik. Massakkut Det teologiske fakultet-imi Københavnimiittumi Praktisk Teologi-mi masteritut ilinniagartik naammassiartorpaat.

Qaqugu: sisamanngorneq maajip 3-at, nal. 19.30

Sumi: Ilisimatusarfimmi campus Ilimmarfiup auditoriaani

  • Oqalugiaatit qallunaatuujussapput
  • Oqalugiaatit kalaallisut ingerlaannartumik nutserneqassapput .. YouTube-kanalitsinnilu toqqaannartumik aallakaatinneqassallutik
  • Kaffeqarlunilu teeqassaaq kaageqarlunilu – aperisoqarnissaanullu oqallinnissamullu piffissaqartoqassalluni


Kommunikationskontor

Kom nemt i kontakt med vores kommunikationskontor

Læs mere

Nutaarsiassat

Ilisimatusarfik pillugu nutaarsiassat

Atuaruk

Tusagassiuutit

Ilisimatusarfik tusagassiuutini

Atuaruk