Ilisimatusarfimmi - ujarlerpoq

Alumni-interview

Ilinniarnermiit suliffimmut - uiarteraluni

Helle Hansen Rosing Nuumminngaanneersoq 2002-imi ilinniarnertuutut naammassigami, siunissaq eqqarsaatigalugu piareersareersimagaluarpoq. Niuernermut Ilinniarfimmi ilinniarnissani pilersaarutigivaa, aningaasanik ileqqaagaqarpoq inissaminik pisiutissaminik. Taamatulli ingerlanngilaq.

Helle allanik misigisaqaqqaarusulerpoq, aningaasallu ileqqaakkani nammattagalerluni ikinngutini ilagalugu nunarsuaq kaajallallugu angalanermut atorpai. Angalareerluni uterami, aamma ilinniarniakkaminut atatillugu allatut isummersimavoq, taamallu Helle Aalborg Universitet-ip Inuiaqatigiinnik ilisimatusarnermut immikkoortortaqarfiani ilinniartussatut iserpoq. Aqqutaani takorloorpaa tunngaviusumik ilinniakkani naammassiguniuk HA/erhvervsøkonom-imut ingerlaqqinniarluni, aaliangerporli Nuummut uterniarluni ilaatigut angunni suliffeqarfimminik unitsitsiniartoq ikiorumallugu.

Taava Ilisimatusarfimmi aqutsinermut atatillugu ilinniarnissamut qinnuteqarpunga tiguneqarlungalu. Ilinniarneralu nuanneqaaq ilinniaqatigiillu akornitsinni ataqatigiilluarpugut aamma allanut sammisunik ilinniagaqartut eqqarsaatigalugit. Ilinniartitseriaaseq Danmark-imi ingerlatseriaatsimit allaaneroqaaq, nuannersumik pitsaasumillu ilinniartut ilinniartitsisullu imminnut qanittumik suleqatigiipput amerlannginneq peqqutigalugu Noorliilluillu illorsuanni avatangiisigut kusanaqaat, eqqaamasalikkersaarnermini oqarpoq”.

Helle ilinniaqataasalu aamma angumeraat Ilimmarfik-taarsuarmut nuunneq, 2008-mi bachelor-itut naammassinissami tungaanut atuarfigisaminut, ilinniaatigalunilu Inuussutissarsiornermut Naalakkersuisoqarfimmi sulivoq. Kingorna inooqatini aapparalugu København-imut ingerlavoq, tassanilu Helle erngerluni Industriens Pension-eqarfimmi suliffissarsivoq, Aalborg-imut nuunnissami tungaanut, tassani-mi takornariaqarnermut atatillugu kandidatinngorniarluni atualerami.

Tamannali naammassilluinnanngisaannarpara, ernillungami atuanngiffeqarama, aammalu ilinniakkakka sivisuumik qimattariaqarlugit ataataga napparsimalermat toqqutigisaminik. Aqqutaanili misilippara arlaqartutigut namminersortutut sulillunga, ilaatigut ataatama suliffeqarfutigisimasaani aammalu filmiliortutut ikinngutiga peqatigalugu suliaqarlunga", Helle Hansen Rosing oqaluttuarpoq.

April-imiillu ukioq 2015 Nukissiorfik-mi Sulisoqarnermut Immikkoortortaqarfimmi atorfeqalerpoq, tassanilu Ilisimatusarfimmi bacheloritut ilinniakkani atorluavissorpai.

Aqutsinermik ilinniarninni ilaatigut sammivakka ingerlatsinermi pisussaaffiit, politologi aamma aaqqissuussaanermut attuumassuteqartut, tamakkulu sulininni iluaqutigilluarpakka. Aaqqissuussaanermut atatillugu atuagarsuutikka suliffeqarfimmi sulininni, uangasuliffittut siammasillunilu angitigisumi, paasinarluarlutik atoruminarput. Politologi-millu sammisaqarsimanera aqqutigalugu pisortat ataanni suliffeqarfimmi politikkikkut aaliangikkat tunngavigalugit suliffeqarfiusumi ingerlatsinermut tunngasut ilisimaarivakka. Ilinniakkat aallaavigalugit tunngavissaqa lertitaavunga sulisoqarnermut siunnesortitut sulinissannut”, Helle nassuiaavoq.

Helle Hansen Rosing aappassaa meerartaarnerminut atatillugu december 2016 tikillugu sulinngiffeqarpoq. Ilinniaqqissinnaanerlu ammatittuarsinnarpaa immaqalu piffissap ingerlanerani kandidat-inngornissamut allamulluunniit ingerlariaqqissinnaajumaarluni. Matumali tungaanut atuagarsuutit aallaavigalugit piviusumi sulineq nuannarilluarpaa.

- Allattoq aaqqissuisorlu Pia C. Bang / Apropos & assiliisoq Ulrik Bang


Attavissat

Assigiinngitsut aqqutigalugit attavigisinnaavatsigut

Atuaruk

Paasisimasalik

Immikkut ilisimasalittavut ajornanngitsumik attavigikkit

Atuaruk