Ilisimatusarfimmi - ujarlerpoq

Avataanit ilinniartitsiartortut

Quppernermi matumaniipput ilinnut Ilisimatusarfimmut ilinniartitsiartortumut paasissutissat.

Ilisimatusarfik avataanit ilinniartitsiartortunut tamanut isumaqatigiissiortarput - isumaqatigiissullu paasissutissanik ukununnga tunngasunik imaqartarput:

  • ilinniartitsineq
  • angalanissamik inniminniineq
  • it-mut tunngasutigut nalunaarsorneq
  • akissarsiat

Ilinniartitsiartortut Nuummiuunngitsut Nuummut Nuummiillu angalanerminnik akiliunneqassapput ornigullutik ilinniartitsiartussappata - isumaqatigiissummi tamanna allassimassaaq.

Ilinniartitsiartortut Nuummiuunngitsut illusimmavissarsinissamut ikiorneqarsinnaapput.

Ilisimatusarfik Eqalugalinnguani inissianik pingasunik attartugaqarpoq - inissiallu pillugit paasissutissat uani atuarsinnaavatit.

Una pillugu aamma atuarit: Illusimatitsinermi periaasissarput.

Aamma Eqalugalinnguit Google Maps-ikkut uani takusinnaavatit.

 

Eqalugalinnguanukarneq

Timmisartoqarfimmi aaneqanngikkuit taxarsinnaavutit. Eqqaamaannassavat akiliinermut uppernarsaativit mumingani atit aamma suminngaanniit sumut ingerlanneqarsimanerit allassagakku. Akiliinermut uppernarsaat atorfimmut atatillugu angalanermi naatsorsukkanik allagartanut kakkiunneqassaaq.

Nuummi bussit ingerlaarfii uani takusinnaavatit.

Aamma bussit massakkorpiaq sumiinnersut maana takusinnaavat.

Bussit unittarfiat illusimmavigisannut qaninnerpaaq tassaavoq bussit unittarfiat normu 9: Eqalugalinnguit Tasiat.

Ilinniartunut tunngatillugu allaffissornikkut ingerlatsinermi studieadministrationsprogrammi Lectio atortarparput. Kodemik nassinneqassaatit programmi iserfigisinnaaniassagakku taamalu skema, holdit allattorsimaffii atugassatit takusinnaallugit holdimullu allakkianik ilisisinnaallutit il.il.

Maana Lectiomut isersinnaavutit: www.lectio.dk/lectio/690/default.aspx.

Skemamut tunngasut

Ilinniagaqarnermut immikkoortortami pisortaq skemanut tunngasunik ilinniartunik sullissivimmiunut paasissutissiisassaaq. Annerusunik allannguuteqassaguit qinnuigissavatsigit immikkoortortami pisortamut attaveqaqqullutit, taassuma skemamut allannguutit ilinniartunik sullissivimmut ilisimatitsissutigissammagit. Napparsimalernermut tunngatillugu taamaatitsillutit ilinniartitsinissannilluunniit pinasuartumik kinguartitsillutit annikitsunik allannguuteqassaguit ilinniartunik sullissivimmut saaffiginniinnarsinnaavutit, sullissivimmiullu allannguuteqartoqarnissaanik isumaginnissapput. Eqqaamajuk skemanut allannguutit tamarmik Lectiomi pisassammata - taamaallaallu tassani allannguisoqartassaaq, taamaanngippat paatsiveeruttoqariaannaavoq. Napparsimalersimaguit tamannalu ilaatigut ullaakkut ilinniartitsissutissannut sunniuteqarpat illit nammineq taamaatitsisinnaavutit. Taamaaliussaguillu pitsaassaaq ilinniartut allaffigigukkit ilinniartitsinissatit Lectiomi taamaatillugit.

Allakkianut tunngasut

Ilinniartunut allakkianik Lectiomi ikkussisinnaavutit. Taamaaliorsinnaavutit toqqagassani Dokumenter tooriarlugu holdit allakkiannik tunerusutatit toqqarlugit (mappi sungaartoq Hold tooruk). Filinik qanorluunniit amerlatigisunik ikkussisinnaavutit piumaguillu mappinut immikkoortitersinnaallugit.

Ilinniartunut nalunaaruteqarnermut tunngasut

Holdit ilinniartitatit nalunaarutinik nassissinnaavatit Modtagere-mi ujaasillutit.

Soraarummeernernik pilersaarusiornermut tunngasut

Soraarummeernermut pilersaarutit aamma Lectiomut ikkunneqartassapput ulloq ilinniartullu soraarummeertussatut nalunaarutigineqarsimasut takusinnaaniassagakkit.

Soraarummeernermut tunngasunik suliaqarnermi WISEflow atortarparput.

Unimailit atorlugu WISEflowimut isersinnaavutit uani: www.wiseflow.net / login / edugain / unimailit kode atortakkat tamaasa allakkit.

WISEflowimi ilinniartut suliassaat aasinnaavatit, piffissat oqaluttariarsornermi soraarummeerfissat alakkarsinnaavatit (systemi piffissanik soraarummeerfissanik agguaasarpoq - ilissi nammineq tulleriiaarillusi piffissanik soraarummeerfissanik allattueqqusaanngilasi) - soraarummeertoqareerpallu karakteerit naggataatigut nalunaarutigisinnaavatit.

WISEflowimi tulleriiaarnerit allannguivigilaartariaqassappata mailimut uunga allassinnaavutit: eksamenskontor@uni.gl.

Soraarummeernissamut pilersaarutit flowillu naammassineqareerpata ilinniartitsiartortut WISEflowimik atuinermi aallarniutaasumik/paasissutissiiviusumik pikkorissariartoqquneqassapput.

Tamatumunngattaaq tunngatillugu soraarummeernerup ingerlarnga, soraarummeerneq sioqqullugu, ingerlatillugu kingoqqullugulu akisussaaffinnik agguataarineq il.il. pillugit apeqquteqartoqarsinnaavoq.

Flowinik assigiinngitsunik atuisarpugut. Flowcombine atorneqartarpoq ilinniartut suliaminnik (flowimi pingaarnermi) tunniussissagaangata oqaluttariarsorlutillu tamatuminnga illersuissagaangata (sub-flowimi). Sub-flowimi karakteerit nalunaarutigineqartarput.

Pedelip inimi soraarummeerfissami isumagisassat isumagissavai – tassa nerrivik qorsummik qalipaatilimmik qalilissavaa, pappiaraqarnissaa allaateqarnissaalu il.il. isumagalugit.

Internetikkut Microsoft Teams aqqutigalugu soraarummeersitsisoqassappat, taava immikkoortortami pisortaq tamanna pillugu isumaqatigiissuteqarfigissavat, taassumalu ilinniartunik sullissivimmiittut ilisimatissavai. Ilinniartunik sullissivimmiut IT-mut immikkoortortamiittut suleqatigalugit Lectiomi paasissutissat takusinnaasassavaat internetikkut soraarummeertoqarnerani atugassanik Microsoft Teamsimi linkiliortoqassagaangat. Linki IT-mut immikkoortortamit ilinnut nassiunneqarumaarpoq.

Oqaluttariarsorluni soraarummeernerni kantiinami ilinnut censorimullu inniminniinissamut periarfissaqarpoq linkimi uani. Aamma ilinniagaqarnermut immikkoortortami pisortaq isumaqatigiissuteqarfigisinnaavat, taassumalu inniminniissussinnaavaatit.

Ilinniartunut najoqqutassaliortoqarsimavoq, tassaniippullu paasissutissat ilinniartut pisariaqartissinnaasaat alfabeti malillugu tulleriiaarlugit allaatigineqartut.

Najoqqutassami tassani soraarummeernermut tunngasut assigiinngitsut pillugit atuarnerusinnaavutit; ilaatigut ilinniartut maalaaruteqarnissamut periarfissaat, soraarummeernermi peqquserluttuliorneq issuaanerlu il.il. pillugit. WISEflowimi allattukkat procentilersorneqarput, allattorneqartut qanoq assigiitsiginerannut takussutissaasumik.

Suliami issuaasoqarsimaneranik pasinartoqarpat ilinniagaqarnermut immikkoortortami pisortaq saaffigissavat, taannalu ilinniartunik sullissivimmut ingerlatitseqqissaaq.

Soraarummeersitsinernik naliliinernillu akiliinerni malittarisassiat atuuttut uani downloadersinnaavatit.

Aamma soraarummeernermi inernernik immersuivik uani downloadersinnaavatit.

Soraarummeernermi inernernik immersugaq eksamenskontor@uni.gl-imut nassiunneqassaaq uppernarsarneqaqqullugu - tassanngaanniillu sulisoqarnermut immikkoortortaqarfimmut akiliisussanut ingerlateqqinneqassaaq.

Ilinniartitsiartortutut tikeraarsimareeruit angalanermik naatsorsuusiorsinnaavutit ullormusianut, nerisanut il.il.  tunngatillugu (siunnersuut una aamma downloadersinnaavat).