Suliffissat ingerlariaqqiffissallu

Ilinniartitsinermik, ilisimatusarnermik ineriartortitsinermillu atorfik pissanganartoq – ilinnuua?

Ilisimatusarfiup ataani Peqqissaanermik Ilisimatusarfimmi adjunktitut/lektoritut (ph.d.) aalajangersimasumik atorfik 1.8.2018-imiit isumaqatigiissuteqarnikkulluunniit inuttassarsiorneqarpoq.

Suliassat

• Peqqissaanermi atuagarsornermik, periaatsinik ilisimasaqarfinnillu allanik ilinniartitsineq
• Allattariarsorluni suleqatigiillunilu suliakkiissutinik ilitsersuineq
• Suliffeqarfinnik sungiusarfiusunik ilinniartunillu sungiusarlutik sulisunik suleqateqarneq
• Ilisimatusarneq tunngaviglugu ilinniartitsinermik ineriartortitsinermut tunngatillugu pilersaarusiorneq ineriartortitsinerlu

Ilisimatusarneq

• Piginnaasat naapertorlugit nunami namminermi immaqalu nunat tamat akornanni ilisimatusarnernik ineriartortitsineq peqataanerluunniit
• Ilisimatusarfiup ineriartortitsineranik ilimatusarneranillu inerirtortitsinermi peqataaneq tapersiisarnerlu
• Kalaallit Nunaanni Peqqissutsimik Ilisimatusarfimmi aamma Kalaallit Nunaanni Peqqinnissaqarfik suleqatigalugu suliassaqarfiit akornanni suleqatigiinnermik ineriartortitsineq tapersiineru
• Pisariaqartitsineq malillugu siunnersuisoqatigiinni aalajangiisartunilu peqataaneq

Neqeroorutigisinnaavagut

• Suliassanik suliarininninnermi annertuumik namineerneq
• Suliamik ingerlatsinermi ilinniartitsinermilu unammilligassat, arlalinnik kultureqarfiusumi ilikkagaqartarluni piginnaanngorsarlunilu
• Isumaqatigiissut malillugu piffissaq ilisimatusarfik
• Ilisimatusarfiulluartoq ineriartorfiusoq
• Suleqatit tunniusimasut kajumissuseqartullu
• Sunngiffimmi sammisaqarnissamut periarfissaqarneq, pinngortitami kulturikkulluunniit (uani annertunerusumik paasisaqarit: www.nuuk.gl) 

Piginnaasat

• Ilinniartitsinermi tunngaviusumillu ilinniarnermi ilitsersuisarnermik misilittagaqarneq
• Ilisimatusarnermik ineriartortitsinermillu ilisimasaqarneq
• Peqqissaasutut peqqissaanermik misilittagaqarneq
• Kalaallit Nunaanni peqqissaasutut akuersissummik peqarneq
• Kandidat/ph.d. suliamut naleqquttoq
• Inuttut suliaqarluartuuneq tunniusimanerlu

Qinnuteqarfissap killinga: 15. maji 2018.

Qinnuteqarneq

Qinnuteqartut atorfik qinnutigineqartoq adjunktitut lektoritulluunniit atorfik qinnutigineqarnersoq allassavaat.

Qinnuteqaat qinnuteqarnermi allakkap nammineq saniatigut ukuninnga imaqassaaq:

• Ilanngussaq 1: Curriculum Vitae
• Ilanngussaq 2: Soraarummeersimanernit uppernarsaatit
• Ilanngussaq 3: Inunnut pingasunutt paasiniaaffigineqarsinnaasunut sukkut attaveqarfigineqarsinnaanerannik paasissutissat
• Ilanngussaq 4: Sulianik allattuiffik tamakkiisoq normulersugarlu Allatat ilanngullugit nassiunneqartut sulianik allattuivimmi *-mik nalunaaqutserneqassapput
• Ilanngussaq 5: Maannamut ilisimatusarsianermik naatsumik allaaserinninneq kiiisalu siunissami ilisimaatusaatigineqarsinnaasunik missigiineq 
• Ilanngussaq 6: Ilinniartitsinermi piginnaasanik uppernarsaat (pikkorissartitsinernut pilersaarutit, ilinniartitsinermik aaqqissuussineq, ilinniartitsissutit kiisalu suliaasimasinnaasut ilinniartitseriaaserlu)
• Ilanngussaq 7: Ilisimatusaatinik ingerlatitseqqiisarnernut uppernarsaat
• Ilanngussaq 8: Saqqummersitat pingasut tikillugit. Saqqummersitat amerlanerpaamik pingasut naliliinermut immikkut naleqquttut amerlanerpaamik pingasut qinnuteqartup toqqassavai

Naliliineq atorfinitsitsinerlu

Qinnuteqaatinik tiguneqartunik naliliinissamut naliliinermi ataatsimiititaliaq suliamik ilisimasalinnik inuttaqartoq malittarisassat malillugit pilersinneqassaaq. Qinnuteqartut piffissap qinnuteqarfissap naanerata kingorna naliliinermi ataatsimiititaliap katitigaarnera pillugu ilisimatinneqassapput. Qinnuteqaatit ataatsimiititaliap suliarissavai ilisimatusarfimmilu aqutsisumut innersuussuteqassalluni.

Qinnuteqaat

Akuersissummik pigisaqarnermut soraarormeersimanermulu uppernarsaatit kiisalu siusinnerusukkut atorfiusimasut pillugit, attaveqarfiusinnaasut ilisimatusarnerusinnaasunillu allattuivik ilanngullugit uunga nassiunneqassaaq: Peqqissaanermut Ilisimatusarrfik sum@pi.uni.gl nassiunneqassaaq assilinera uunga nassiullugu personale@uni.gl.

Kalaallit Nunaanni akuersissut immersorneqarsimasoq qinnuteqaammut aamma ilanngunneqassaaq. Akuersissut pillugu qinnuteqaammik immersuiffissaq nittartakkami uaniippoq www.nanoq.gl/naalakkersuisut/naalakkersuisoqarfiit/nakorsaaneqarfik.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik.