Ilisimatusarfimmi - ujarlerpoq

Peqqissaanermik Pinngortitamillu Ilisimatusarfik

Peqqissaanermik Pinngortitamillu Ilisimatusarfik pisortaavoq Anna Kleist Egede.

Peqqissaanermik Pinngortitamillu Ilisimatusarfik sulisuilu assigiinngitsutitgut attavigisinnaavatit. Instituttip ilisimatuutut misissuinerit ingerlatai assigiinngitsut aamma paasisaqarfigisinnaavatit.

 

Oqaluttuassartaa:

Inatsisartut 1990-imi aalajangerput peqqissaasunik nunatsinni ilinniartitsisoqalissasoq Danmarkimi nunanilu avannarlerni ilinniartitsinerit naleqataannik, taamalu sundhedsmedhjælperinik ilinniartitsineq taamaatillugu.

Taama ilinniartitsinikkut anguniarneqarpoq peqqissaasut nunatsinni ilinniarsimasut Danmarkimi nunanilu avannarlerni taama ilinniagalittut akuerisaassasut, autorisationeqassasut. Ilinniaqqinnerup tungaatigut aamma anguniarneqarpoq  peqqissaasut nuanani allani ilinniaqqissinnaassasut, taama ilinniaqqinneq nunatsinni pisinnanngippat, nunatsinniluunniit ingerlatissallugu nalorninarpat.

Peqqissaasunngorniat siulliit januaarimi 1991-imi ilinniarlutik aallartipput. Ilinniarnerup aaqqissuussaanerani pisariaqartut tamaasa Uddannelsesrådip isumannaarsimavai, soorlu ilinniarnerup nunani allani ilinniarnertulli naleqarnissaa.

Ilinniartitaanermik Pisortaqarfik 2001-imi ataatsimeersuartitsivoq ilinniarfiit ingerlaqqiffiusut pitsaassusaat imminnullu ataqatigiinnerat qulequtsiullugu. Ataatsimeersuarneq sioqqullugu, maajimi 2001-imi, pisortaqarfik nalunaarusiortitsivoq ilinniartitsisunngorniarneq, peqqissaanngorniarneq inunnillu isumaginnittunngorniarneq pillugit.

Ukioq tamanna novbembarimi pisortaqarfik ilinniarfinnut allagaqarpoq nalunaarutigalugu ilinniartitaanerit akunnattumik sivisususillit tallimat universitetimi ilinniaganngortinneqarsinnaanersut misissorneqassasoq.

2002-mi januaarimi peqqissaanermik Ilinniarfiup nalunaarusiaq tunniuppaa peqqissaasunngorniarnerup professionsbacheloritut ilinniarnertut aaqqissuunneqarsinnaaneranut tunngasoq.


Attavissat

Assigiinngitsut aqqutigalugit attavigisinnaavatsigut

Atuaruk

Paasisimasalik

Immikkut ilisimasalittavut ajornanngitsumik attavigikkit

Atuaruk