Ilisimatusarfimmi - ujarlerpoq

Ukiut qulit qaangiunneranni killiffik

Ilisimatusarfik – Grønlands Universitet maannakkutut isikkoqarluni ukiunik qulinngortorsiorpoq.

Ilisimatusarneq, nutaaliorneq, ilinniartitsineq ilisimasanillu ingerlatitseqiisarneq Kalaallit Nunaata namminiileriartorneranut pingaaruteqarluinnarput.

Kalaallit Nunaanni suliffeqarfiit sulisunik ilinniarsimalluartunik pisariaqartitsipput – sulisunik nunanit allaneersunik pisariaqartitsineq annikillisinniaannarnagu aammali pisariaqartumik Kalaallit Nunaannut aningaasaqarnikkut tunngaviliisussamik pisariqartumik siuariartortitsiniarluni.

Ilisimatusarfiup maannakkutut isikkoqarluni pilersinneqarnera allannguutinik annertuunik kinguneqarpoq, aqutseriaatsikkut aamma ilisimatusarnerit ilinniakkallu sammiviisa assigiinngiiaarnerisigut.

Aqutseriaatsip allanngorneratigut ilisimatusarfik avatangiisiminut ammarnerusussaavoq inuiaqatigiinnilu oqallinnerni peqataanerulertussaalluni.

Siusinnerusukkut ilisimatusarfiup ilinniarnerillu aalajangersimasunut sammivillit kattunnerisigut pingaartumik ilinniarnerit aalajangersimasunut sammivillit ilisimatusarnermik tunngaveqarnikkut qaffatsinneqartussaapput.

Immikkoortut taakku marluk allannguinermi aqutsinermut ataatsimullu aaqqissuussaanermut aqutseriaatsimullu piumasaqartorujussuupput
Ukiunik qulinngortorsiornermut atatillugu ukiut qulit siulliit nalilersorneqarnissaat, taamaalillunilu Ilisimatusarfiup ukioq 2018-imi killiffissiorneqarnissaa ilisimatusarfimmi aqutsisut kissaatigisimavaat.

Nalilersuinermut peqatigitillugu ukiuni qulini tullerni ineriartoqinnissaanut ilisimatusarfiup periusissiaata naleqqussarnissaanut isumassarsiorfiussaaq.
Nalilersuineq 2018-ip naanerani 2019-inillu qiteqqunnerani ingerlanneqarpoq.

Nalilersuineq ilinniarnerni ataasiakkaani pissutsinik pitsaassutsinilluunniit nalilersuinerunngilaq. Nalunaarusiaq manna apersuinernik tunngaveqarpoq, taamaattumillu illuinnaasiortumik isummersornerit pinngit- soorneqarsinnaanngillat.

Nalunaarusiaq pillugu apeqqutit uunga apeqqutigineqarsinnaapput: Henriette Nolsøe Rosing Ilisimatusarfimmi pisortaq, Ilisimatusarfik henr@uni.gl.


Attavissat

Assigiinngitsut aqqutigalugit attavigisinnaavatsigut

Atuaruk

Paasisimasalik

Immikkut ilisimasalittavut ajornanngitsumik attavigikkit

Atuaruk