Inatsit tunngaviusussaq pillugu Kalaallit Nunaata inissisimaffia, spiralilersuisimaneq pillugu suliaq aamma inatsisitigut isumaannaatsuuneq inatsisitaarfimmi sammineqarneri

Ukioq manna juunip 5-ani Stenbroens Juristers-it inatsisitaarfimmi aaqqissuussaanni inatsit tunngaviusussaq pillugu Kalaallit Nunaata inissisimaffia, spiralilersuisimaneq pillugu suliaq aamma Kalaallit Nunaanni Danmarkimilu inatsisitigut isumaannaatsuuneq sammineqassapput.

Danmarkimi Inuit atugarliortut inatsisitigut siunnersorneqarnissamik pisariaqartitsinerat pillugu 2023-mi Stenbroens Jurister misissuinermik aallartitsisimapput. Inuit atugarliortut inatsisitigut siunnersorneqarnissartik pisariaqartikkaat aammattaaq Danmarkimi Kalaallit Nunaannilu innuttaasunut Inunnut nunallu taakkua marluk nunasiaateqarnikkut oqaluttuarisaanerisa inernerisaanut attuumassuteqartunik aaqqissuussatigut inatsisitigullu allanik ajornartorsiuteqarnerat sammineqarnissaa pisariaqartinneqartoq misissuinerup ersersippaa.

Ukioq manna inatsisitaarfimmi ilaatigut ukua naapissinnaavatit:

• Maja Løvbjerg Hansen, inatsisileritooq aamma Stenbroens Jurister-ini pisortaq
• Sune Klinge, inatsit tunngaviusumut tunngasunut lektori
• Naja Lyberth, spiralilersuisoqarsimaneranik qaammarsaasut sinniisuat
• Inuit pisinnaatitaaffii pillugit eqqartuussissuserisoq Mads Krøger Pramming
• Andrew Hjuler Crichton, Advokatsamfundet-imi generalsekretæri
• Sina Parbst Frederiksen, Stenbroens Jurister-ini inatsisileritooq

Inatsit tunngaviusussaq pillugu Kalaallit Nunaata inissisimaffia, Stenbroens Juristers-it Danmarkimi Inunnut atugarliortunut inatsisitigut siunnersuinermik suliniutaat, spiralilersuisoqarsimaneranik qaammarsaasut paasisaat, danskit naalagaaffiata inuit pisinnaatitaaffiinik innarliisimaneranut eqqartuussisunut sassartinneqarnera aamma Kalaallit Nunaanni Advokatsamfundet-ip inatsisitigut isumannaatsuunissamik suliaqarnera pillugit aaqqissuussami saqqummiisoqassaaq.

Københavnimi Danske Advokater-ini aaqqissuussaq ingerlanneqassaaq, juunillu 5-ani 2024 nal. 10-13 (Kalaallit Nunaata nalunaaqutaa malillugu) Ilisimatusarfiup kantiinaani toqqaannaq isiginnaarneqarsinnaajumaarluni. Naja Lyberthip saqqummiussinera Ilisimatusarfiup kantiinaani aamma ingerlanneqarumaarpoq.

Aaqqissuussap kingorna nal. 13-imiit Ilisimatusarfimmi peqataasunut ulloqeqqasiuteqarumaarpoq.

Aaqqissuussap annertunerpaartaa qallunaatut ingerlanneqassaaq. Sumiiffimmili aamma qarasaasiatigut kalaallisut apeqquteqartoqarsinnaassaaq, nutserisoqarumaarporlu.

Peqataarusukkuit, Københavnimili imaluunniit Ilisimatusarfimmi takkullutit najuussinnaanak, taava internettikkut peqataanissannut allatsissinnaavutit immersugassap ugguuna innersuussissukkut immersorneratigut.