Suliffissarsiaq & praktikki

Inummik ataatsimik arlalinnilluunniit inussiarnersunik, peqqissaartunik akisussaassusilinnillu pissarsiorpugut makkuninnga suliaqartussanik: spørgeskemanik immersugassanik misissuinerni, apeqqarissaarnerni periaatsini (interviewteknik) aamma misissuinerni piviusuni kiisalu angalanissanik pilersaarusiornerni ataqatigiissaarinerni.

Ujartugarput tassaavoq inunnguuserlugit kalaallit oqaasiinik atuisoq piginnaanilik inooqatigiinnermullu tunngasunik eqqartuussisoqarnermullu tunngasunik soqutigisalik. Ilinnut iluaqutaassaqaaq tunumiusut avannaamiusullu oqalussinnaallutillu paasisinnaaguit, tamannali piumasaqaataanngilaq.

Nuummi pingaarnertut suliffeqassaatit, qaammatinili apriilimi maajimilu nunatsinni angalassaatit.

Najaaraq Demant-Poort qaninnertut suleqatigissavat, taassumalu suleqatigiinnut tikilluaqqussavaatit ilinniartillutillu aamma suliannik tapersersorlutillu ikiortassavaatit. Ilisimatusarfimmi pilersaarusiami suleqataapput aamma makku Anette Storgaard aamma Annemette Nyborg Lauritsen.

Aningaasarsianut atorfinitsinneqarnermullu tunngasut tassaapput isumaqatigiissutit aallaavigalugit Namm.Oqartussat illillu ilaasortaaffippit isumaqatigiissutaat tunngavigalugit akissarsiaqarnissaq.

Qilanaarpugut piumassuseqarluarlutit qinnuteqaammik pissarsiffigissallutit kingusinnerpaamik ulloq 22.december 2024: nadp@uni.gl.

Oqaloqatiginninnissamut qaaqqusissaagut. Apeqqutissaqaruit taava qinnuigaatsigit Najaaraq ugguuna attavigeqqullugu nadp@uni.gl / 583565.

Suliniut / projekti pillugu

Aningaasanut missingersuummi folketingimi sinniissitta kissaatigaat misissuisoqassasoq sooq Nunatsinni kommunefogedinut atorfiit tamarmik inuttaqartinneqannginnersut. Ilisimatusarfiup Kalaallillu Nunaanni Politiit isumaqatigiissusiorsimapput tamanna misissuiffigineqassasoq. Ilisimatusarfiup suut aporfiusinnaanersut suullu periarfissaannersut misissuiffigissavai makku atorlugit, spørgeskemat, apeqqarissaarnerit aamma nakkutiginnilluni misissuinerit (observation).

Praktik på danske repræsentationer i udlandet (vælg land for at se næste ansøgningsfrist)