Suliffissat ingerlariaqqiffissallu
Ilisimatusarfik - suliffissat ingerlariaqqiffissallu.
Ilisimatusarfiup atuagaateqarfiani assigiinngitsunik suliaqarusuttumik, suliassatigut ikiortissamik piffissap ilaannaani sulisartussamik pissarsiorpugut - piffissallu ilaata ulapaarfiusinnaasarnera taassuma piareersimaffigisariaqarpaa.
Atorfik piaarnerpaamik isumaqatigiissuteqarnikkulluunniit inuttalerneqartussanngorlugu inuttassarsiuunneqarpoq - sapaatillu akunneranut akunnerit suliffiusartussat 20-jupput.
Ilisimatusarfiup atuagaateqarfia Ilimmarfimmiippoq Groenlandicalu atuagaateqarfeqatigaa. Atuagaateqarfimmik atuisut, ilinniartut 750-it missaat sulisullu 100-t missaanniittuut, Ilisimatusarfiup sullippai - Ilisimatusarfillu ullumikkut ataatsimik atuagaatilerisoqarlunilu ataatsimik ilinniartutut ikiorteqarpoq.
Suliassatit tassaassapput
- Atuagaateqarfiup systemianut atuakkanik nutaanik nalunaarsuineq.
- Atuagassianik nutaanik tigusineq atuisunullu atuagassianik piareersaaneq.
- Pisariaqartitsisoqartillugu atuakkanik inniminniineq.
- Atuakkanik utertinneqarsimasunik inissitsiterineq.
- Tunissuteqartoqartillugu atuagaatinik misissueqqissaarineq.
- Atuagaateqarfimmi suliassat allat takkuttut.
Naatsorsuutigaarput
- Sullisserusussuseqartuusutit.
- Namminersorlutit sulisinnaasutit.
- Akisussaassuseqartuullutillu aaqqissuussillaqqittuusutit.
Attavissat/paasissutissat
Atorfik pillugu paasisaqarnerorusukkuit Atuagaatilerisup Bolethe Olsenip attaviginissaanut tikilluaqqusaavutitoqarasuaammut uunga +299 385606.
Qinnuteqarfissaq
Qinnuteqarfissaq kingulleq tassaavoq martsip 20-ni 2024 nal. 12:00, qinnuteqaallu uunga nassiunneqarsinnaavoq personale@uni.gl.
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq.
Ilisimatusarfiup Peqqissaanermik Pinngortitamillu Ilisimatusarfianut lektori (qinnuteqarnissamut piffissaliussaq: apriilip 2.-at, 2024)
Sulisoqarnermut Akissarsialerinermullu Immikkoortoqarfik AC-fuldmægtigissarsiorpoq (qinnuteqarnissamut piffissaliussaq: apriilip 4-at 2024)
Apeqqut? .. sulisoqarnermut immikkoortoqarfik, attavissat