Suliffissanik nittarsaassineq 2024

Asasavut nunatsinni suliffeqarfiit, kattuffiit & ingerlatsiviit;

Ilisimatusarfiup nuannaarutigalugu Ilisimatusarfimmi Suliffissanik Nittarsaassineq 2024-mut qaaqquaasi.

Suliffissanik nittarsaassineq ukioq kingulleq assigalugu ingerlanneqassaaq - piffissamimi sivisunerusumi suliffissanik nittarsaassilerpugut: : tassa ulluinnarni tamani piffissani ukunani oktobarip 14-ianit novembarip 8-ta tungaanut 2024, Ilisimatusarfiup kantiinaani nal. 11.00 - 12.00 imaluunniit nal. 12.00 - 13.00 akornanni.

Suliffeqarfiit, kattuffiit ingerlatsiviilluunniit ullormut marluk Ilisimatusarfimmi nittarsaassivimmiittarnissaat - aamma ulloq suliffiusoq sorleq piffissarlu sorleq pilerigisartik namminneq qinersinnaanissaat eqqarsaataapput.

Nuummiinngitsunut soorunami aamma internetti aqqutigalugu (Microsoft Teamsikkut, Zoomikkut assingusukkulluunniit) nittarsaassinissaq toqqarneqarsinnaavoq - teknikikkut isumagisassat uagut isumagiumaarpagut.

Taamaasilluta ilinniartuutivut peqatigalugit eqqissisimanerusumik ingerlassaagut - piffissallu sivisunerusup iluani ilinniartuutitta ingerlatsiviit, kattuffiit suliffeqarfiillu assigiinngitsorpassuit paasisaqarfigisinnaanngussavaat.

Peqataaniarluni allatsinnermi ulloq suliffiusoq aamma piffissaq pileriginerusaq qinerneqassapput.

Internetti aqqutigalugu nittarsaasserusukkuit - nalunaareernerup kingorna per@uni.gl-imut e-mailimik nassissiinnassaatit.

Nalunaarfissaq kingulleq: oktobarip 7-iat 2024.