Bo Lidegaardip oqalugiaataa

Septembarimi nuannaarutigaarput Bo Lidegaard tamanut ammasumik oqalugiartissinnaagatsigu.

"Uden Mandat" Henrik Kauffmannip sorsunnersuup aappaata nalaani sorsunnerullu nillertup aallartinnerani naalagaaffiit akornanni attaveqartitsisarneranut tunngasoq aallaavigalugu historikeri nunallu allat pillugit politikkimik misissueqqissaartartoq Bo Lidegaard USA-p taamanikkut ullumikkullu Kalaallit Nunaannut isiginnittaasianik oqaluttuarinnippoq.

Oqalugiarnera videokkut immiupparput - tusarnaanngitsoorsimagukkulu YouTube-kanal-itsinni takujuaannarsinnaavat.