Oqaluttuarisaanermik qulaajaaneq

Pillugu

Sorsunnersuaq kingullermit maannamut nunatta Danmarkillu akornanni pissutsit pillugit oqaluttuarisaanermik qulaajaaneq juunip 9-ani 2022-mi Naalakkersuisut danskillu naalakkersuisuisa ataatsimoorussamik nalunaaruteqarnermikkut aallartinneqassasoq aalajangerpaat.

Nunatta Danmarkillu akornanni pissutsit pillugit oqaluttuarisaanermik qulaajaanermut suliamut tunngaqqissaartut aallaavigalugit ataatsimoorussamik suliaqarneq oqaluttuarisaanerup qulaajarneqarnissaanut paasineqarnissaanullu tapersiissaaq, aamma pereersut pillugit saammaateqatigiissinnaaneq taamatut iliuuseqarnikkut tunngavissiuunniarlugu aalajangerneqarsimasut iliuuserineqarsimasullu kingunerisaannik nassueruteqartoqassaaq.

Kalaallit Nunaata Danmarkillu oqaluttuarisaanerat ataqatigiipput, nunanullu taakkununnga marlunnut ineriartornikkut sunniuteqartitsisimasoq tamanna ataatsimut aqqusaarsimavaat. Sorsunnersuaq kingullermit maannamut nunatta Danmarkillu akornanni pissutsit ilisarnaataasa ilaat tassaavoq nunatta piginnaatitaanera annertusiartorlunilu nunarput suliassaqarfiit arlallit akisussaaffigilersimammagit. Nunatta Danmarkillu akornanni pissutsit qulaajarneqarnissaannut kissaammut atatillugu tamanna isiginiarneqassaaq.

Qulaajaanermi siunertarineqartoq tassaavoq sorsunnersuaq kingullermit maannamut Kalaallit Nunaata Danmarkillu akornanni pissutsit pillugit ilisimasanik tapersiinissaq. Ilisimasanik pilersitsinissamut siunertaavoq nunat akornanni pissutsit aamma nunatsinni innuttaasunut annertuumik qanoq kinguneqartitsisimanera maannakkullu atugassarititaasunut qanoq sunniuteqarsimanersut pillugit nalinginnaasumik paasinnittaatsip annertusineqarnissaa.

Suliarisassat allassimaffiat

Sorsunnersuaq kingullermit maannamut nunatta Danmarkillu akornanni pissutsit qulaajarneqarnissaannut suliakkiissut pillugu uani atuarsinnaavutit.