University of Akureyri alakkaruk

Maajip aallartinnerani rektori, Ilisimatusarfimmi pisortaq aamma teknikkimut aqutsisoq University of Akureyrimut tikeraassapput.

Tikeraarnerminni University of Akureyrip ungasissumit ilinniartitsinermi misilittagaat pillugu paasisaqarnerussapput – tamatumunngalu tunngatillugu aamma ungasissumit ilinniartitsinissarpiaq pillugu suleqatigiinnissamik isumaqatigiissummik atsiussallutik.

University of Akureyri ungasissumit ilinniartitsinermi misilittagaqangaatsiarpoq - tassanilu ilinniartut affaat sinnerlugu arlaatigut ungasissumit ilinniartinneqartarput.

Qularnanngilaq ungasissumit ilinniartitsineq maani Ilisimatusarfimmi siunissami suliassatta ilagissagaat - aamma ungasissumit ilinniartitsinermik aallussinerulerneq ilinniartut iluaqutigissavaat ilinniagaqarumalluni Ilisimatusarfimmiinnissaq pisariaarutissammat.