Ilinniartitseriaatsimi masteritut ilinniaqqinnissannut soqutiginnippit?
Ilinniagaq ilinniartoqatigiinnik nutaartaqarluni 2024-mi septembarimi aallartissaaq - qinnuteqarnissamut killissarititaasoq tassaavoq 2024-mi marsip 1-at
- Inissisimaffivit ineriartortinnissaanut peqataarusuppit?
- Suleqatit peqatigalugit ilinniartitseriaatsit ineriartortinneqarnissaannut qanoq ililluni aqqutissiuisoqarsinnaanersoq eqqarsaatigisarpiuk?
- Suliffinni piorsarsimassutsikkut assigiinngissutsit pillugit suliaqarnissannut soqutiginnippit?
- Kalaallit Nunaannut ataqatigiissillugu ajornartorsiutit qanoq issusaannik aamma ineriartortitsinermik suliaqarneq qitiutillugit ilinniartitseriaaseq aaqqissugaanernillu ineriartortitsineq pillugit ilisimatusarnerit kingulliit soqutigaagit?
- Kalaallit Nunaanni ilinniartitaanerup aaqqissuussaanerata iluani ilisimatusarnermik tunngavilikkamik sammiviliineq qanoq isumaqarnera soqutigaajuk?
- Ilinniartitseriaatsimi sunniutaateqartut kingulliit aallaavigalugit nammineq ilinniartitsinissavit ineriartortinneqarnissaanut qanoq ilillutit peqataasinnaaninnut soqutiginnippit?
- Suliffinni ilinniarititsisuullutit aqutsisunut qanoq ilillutit qanillisinnaanissat soqutigaajuk? Paarlattuanillu, ilinniartitsinermut atatillugu ilinniarfiup ilinniartitsisullu pisariaqartitaat qanoq ilillutit aqutsisunut paasissutissiarisinnaaneritit soqutigaajuk? Kiisalu suleqatigiinnikkut ilinniartitsinerup ineriartortinnissaanut qanoq ililluni aaqqiissutissatut periarfissaasinnaasunik qinersisinnaaneq soqutigaajuk?
Sulisaatsinut tunngaveqarluinnartumik ilinniartitsisarneq aamma ilinniarfimmi suliffigisanni ulluinnarmut attuumassuteqartumik ajornartorsiutit iliuuseqarfiginissaannik sammiveqarluni ukkatarinnittarneq maqaasiviuk?
Ilinniartitsisutut, ilinniarfimmi pisortatut assigisaatulluunniit ulluinnarni atuuffeqarnermut atatillugu ilisimatusarnerup silarsuaanut periarlutit teoriitigut misissueqqissaarinertigullu sammiviliinerit atassusilernissaat pissanganartippiuk aamma?
Soqutiginnikkuit, taava Ilisimatusarfiup Ilinniartitsinermik Ilisimatusarfiani Ilinniartitseriaatsimi, kulturit naapinneranni, allanngoriartornermilu masteritut ilinniagaq neqeroorutigineqarpoq.
Ilinniagaq ilinniartoqatigiinnik nutaartaqarluni 2024-mi septembarimi aallartissaaq - qinnuteqarnissamut killissarititaasoq tassaavoq 2024-mi marsip 1-at.
Ilinniagaq piffissap affaani ilinniarfiuvoq ukiunik marlunnik sivisussusilik, unnuisarluni ilinniartitaanikkut aamma ungasissumit ilinniartitaanikkut ilinniagaq ingerlanneqassaaq - semesterimullu ataatsimut peqataaneq DKK 15.000-nik akeqarpoq. Taamaammat peqataanissannut siusinaarlutit aqutsisunnut qinnuteqassaatit.
Ilinniagaq meeqqat atuarfianni atuartunut angajullernut ilinniartitsisunut, ilinniarnertuunngorniarfinni inuussutissarsiutinillu atuarfinni ilinniartitsisunut naatsorsuussaavoq.
Ilinniakkami lektori Steen Beck aqutsisuuvoq, ilinniakkamilu ilinniartitsisut Ilisimatusarfimmi danskillu ilisimatusarfiini immikkut ilisimatusarsimasuupput misilittagaqarluartut.
Qinnuteqarnissamut piffissaq qanillippat sumut qinnuteqartoqarsinnaanera nalunaarutigineqarumaarpoq.
FACEBOOK
LINKEDIN
Assiliuk - linki
