Ilisimatusarfimmi institutti pisortartaartoq

Nuannaarutigisatsinnik Mari Kleist avatangiisinut sungiusimasaanut tikilluaqqorusupparput - tamatumuuna Kulturimik, Oqaatsinik Oqaluttuarisaanermillu Ilisimatusarfimmi instituttip pisortaatut.

2021-mi Mari Nuummut uterpoq Ilisimatusarfimmilu aallartikkami Inuiaat Kulturiannut Oqaluttuarisaanerannullu Immikkoortortaani immikkut ilisimatusartuullunilu lektoriusimavoq.

Tamassuma kingorna 2022-mi Mari ilinniakkami tassani immikkoortortaqarfimmi pisortatut atorfinippoq - maannalu instituttip siuttortaaralugu, institutti taanna Kalaallit Nunaata oqaluttuarisaanera, kalaallit oqaasii kulturikkullu ineriartornerit qitiutillugit ilinniartitsinermi ilisimatusarnermilu siuttuuvoq.

Marip instituttip pisortanngortinneqarnerani pilluaqqungaarparput.