Ilinniartuutivut nunanit allaneersut nerisassiortagaannik misigisaqarneq

Novembarip 22-ani 2024 ilinniartuutitta nunanit allaneersut nunagisaminni immikkut nerisassiortakkaminnik saqqummiussimmata nunani assigiinngitsuni nerisartagaat mamaqisut misiginissaannut tamatta qaaqqusaavugut.

Panoptikoni uummaarippoq tipigillunilu, tamanullu mamarisaminnik ussigassaqarluni.

Ilinniartuutitta nunanit allaneersut nerisassiornermik nuanneqisumik aaqqissuussisinnaasimammata qutsavigingaarpagut.

Qaalertiinnanngilatsigut, aammattaarli nerisassat, tamarmik immikkut saqqummiussisuusut, aqqutigalugit kulturinik ileqqutoqqanillu pissanganartorpassuarnik paasisaqartippatsigut.

Nerisassarpassuarnik nutaanik misiliivugut, qiimaqatigiillutalu peqatigiippugut - tullissaanullu qilanaalereerpugut!