Uumassusilerinermi SILA-mi bacheloritut ilinniagaq: Ilinniagaq soqutigineqarluartoq, aallartinnissaanullu qilanaarpugut!

Ilinniarfitsinnut nutaarluinnarmut, uumassusilerinermi SILA-mi bacheloritut ilinniakkamut, qinnuteqarnissamut killigititaq qaangiutereersimalerpoq - soqutigineqarluarneralu nuannaarutigingaarparput.

12-inik ilinnialertussaateqarluta, tamarmik Kalaallit Nunaanni pinngortitap immikkuullarilluinnartup pinngortitallu ataqatigiinnerata pulaffiginissannut pileritsaattunik, februaarip aallaqqaataani 2025 ilinniakkap aallartinnissaa qilanaaraarput - utaqqisinnaanngingajavippugullu!

Uumassusilerinermi SILA-mi bacheloritut ilinniagaq immikkut illuinnartoq

Ilinniakkami tassani ilinnialertussat 12-it biologiimi apeqqutit annertuut taakkualu teoriisa misissuiviginissaannut periarfissinneqassapput - tamannalu ilutigalugu pinngortitap tupinnartuliai qanimut misigissavaat.

Issittup nunataani alianaatsorsuarmi najuulluni pissanganaqisumik sulinermit laboratoriami ilisimatusarnermut - ilinniakkap SILA-p silarsuit marluk pitsaanerpaartaat ataqatigiitsilersippai.

Ilinnialertussat taakkua 12-it siunissami periarfissagissaassapput, Kalaallit Nunaanniinnaanngitsoq, aammattaarli nunani tamalaani ilisimatusarnermit avatangiisinillu aqutsinermit ilinniartitsinermut tunngasut iluanni tamani.

Ilinniagaq neqeroorutigisinnaagatsigu tamatta tulluusimaarutigeqaarput, ullumikkut uumassusilerinermi unammillernartitatta kiinnernissaannut ilinniagaq naleqqussagaavoq.

Nunatta nunarsuarmi inissisimaffia immikkuullarissoq Issittumi silap pissusianik uumassusillillu assigiinngisitaarnerannik ilisimatusarnermi naapitsitsiffiusoq ullumikkut ajornartorsiutit nukinginnarluinnartut ilinniartuutitta paasinissaannut sulissutiginissaannullu atatillugu siuarsimatitsitsissaaq.

Pikkorissorsuit arlaqartut ilinniakkamut SILA-mut tikilluaqqusinnaagatsigit aamma nuannaarutigingaarparput, taakkua uumassusilerinerup iluani suliaqarnermut ilinniagaq aallarnissavaat.

Ilinniagaq pillugu apeqqutissaqaruit, assersuutigalugu imarisaa pillugu il.il., uani atuarnerusinnaavutit - aammattaarli attaviginissatsinnut soorunami tikilluaqqusaavutit, attaveqarfissat ataani allassimasut takusinnaavatit.