Eqqaaniut: Jean Malaurie

Frankrigimiu immikkut ilisimatusarsimasoq ilisimaneqarluartoq, Jean Malaurie, 2024-mi februaarip 5-ani 101-nik ukioqarluni toqukkut qimaguppoq.
 
Mainzimi Tysklandimi inunngorsimasup Jean Malauriep Issittoq pillugu ilisimatusarnermut inuunermini ukiorpassuit tunniusimalluni atorsimavai - sammisamullu tassunga tunngasunik allaaserisanik atuakkianillu amerlasoorpassuarnik saqqummersitsisimavoq. 
 
Jean Malauriep The Malaurie Institute of Arctic Research Monoca-UVSQ aamma ingerlannikuuaa Issittorlu pillugu ilisimatusarneq qitiutissimallugu. 
 
Jean Malauriep ukiorpassuarni tunniusimangaarnerminut assigiinngitsunik ataqqinaaserneqarsimavoq - assersuutigalugu Dannebrogordenenimik aamma Naalakkersuisut Nersornaataannik kuultimik saqqarmiunnassimavoq.
 
2023-mi maajimi maani Ilisimatusarfimmi nuannaarutigisatsinnik Jean Malauriep qalipagai qarsungasut saqqummersissimavagut, taakkualu tamarmik Malauriep Issittumut 30-nit amerlanerusunik ilisimasassarsiorsimanermini piorsarsimassuseq immikkuullarissoq pinngortitarlu alianaatsorsuaq misigisimasaanik assilianngortitsipput.
 
Jean Malauriep ilaqutai misiginneqatigingaarpagut - eqqaaneqarnera ataqqinartuuli.