Ilinnialernissaminnut akuerisaasimasunik misissueqqissaarneq 2024 - misissueqqissaarneq tamaat uani atuaruk!

Joachim Sloth Larsen

2024-mi septembarimi Ilisimatusarfimmi ilinnialertunik nutaanik misissueqqissaarnerput maanna naammassivarput.

Ilinniartuutitta kikkuunerannik suminngaanneernerannillu misissueqqissaarneq pissanganartunik paasisaqartitsivoq - misissueqqissaarnerlu Ilisimatusarfimmi pitsaassutsinik ineriartornermillu qulakkeerinnittarnermik suliaqarnitsinni pingaarutilittut ilaavoq.

Misissueqqissaarinermit inernerit soqutiginarnerpaat ilaat aajuku:

Ilinnialertut amerlanerusut

Ilinnialertussanik akuersinermut atatillugu Ilisimatusarfik 2011-miit siuariartorsimavoq.

Tamanna pitsanngoriarneruvoq aamma Ilisimatusarfimmi ilinnialernissaminnik toqqaasut amerlatsikkiartornerannik ersersitsivoq.

Arnat amerlanerusut

2024-mi ilinnialertut 77 procentii arnaapput.

Tamanna ukiuni kingullerni Kalaallit Nunaanni GUX-imit soraarummeertuni arnat amerlassusianit qaffasinneruvoq.

Tamatuma ersersippaa arnat maani ilinnialernissaminnik toqqaasut amerlassusaat qaffasittoq.

Ilinniartut inersimasut misilittagaqartullu

Ilinnialertussasut akuerineqartut agguaqatigiissillugit 30-ngajannik ukioqarput, tamanna isumaqarpoq, nunanut killernut sanilliullugu, inuit amerlasuut ilinniakkaminnik kingusinnerusukkut aallartitsisartut.

Tamatuma ersersippaa Ilisimatusarfimmi ilinnialertut amerlasuut ilinnialinnginnerminni ilinniartitaanerup avataani pingaarutilinnik misilittagaqalersimallutillu ilisimasaqaleqqaarsimasut.

Tunuliaqut tamanna ilinniartinneqarnermi pissarsiffiulluartunik assigiinngisitaartunillu avatangiiseqartitsivoq, taakkunani ilinniartut assigiinngitsunik inuunermi misilittagallit naapillutillu ilinniartitaanerup uummaarissuunissaanut tapersiisarput.

Ilinniartut meeraqartut

Ilinniartut nutaat amerlasuut ilaqutsiulereersimapput.

Bacheloritut ilinniartut 38 procentii kiisalu kandidatitut ilinniartut 56 procentii ilinnialernerminni meeraqarput.

Tamatuma takutippaa, allaat inuunerminni ilaquttaminnik ilinniarnerminnillu ataatsikkut aallussisussanut, Ilisimatusarfiup toqqagassatut pilerinartuunera.

Inerit nalinginnaaleriartortullu pillugit paasisaqarnerorusukkuit matuma ataani ilinnialernissaminnut akuerisaasimasunik misissueqqissaarneq tamakkerlugu aasinnaavat.