Dr. April Winifred Marshallip eqqaassutissatut aningaasaateqarfia

Dr. April Winifred Marshallip eqqaassutissatut aningaasaateqarfiata pilersinneqarnerani aningaasaatigineqartut DKK 1,5 millioniupput.

Aningaasat Ilisimatusarfiup qujamasuutigingaakkaminik pissarsiarisimasai Dr. April Winifred Marshallimit kingornussaninngaanneerput.

Dr. April Winifred Marshallip kingornussassiuussisimanera naapertorlugu aningaasat siunertanut atorneqassapput - siunertarineqartorlu tassaavoq ilinniarfinni ingerlaqqiffiusuni imaluunniit ilisimatusarnermi sikumi alapernaarsuinermut aamma sermilerinermut sammisaqarfiusunut atatillugu Ilisimatusarfimmi arnanut Inunnut sulisunut ilinniartunullu tapersiinissaq.

Aningaasat ukiumut marloriaq legatitut agguaanneqartassapput.

Dr. April Winifred Marshallip eqqaassutissatut aningaasaateqarfia pillugu nittartakkatsinni atuarnerugit.