Paasititsinniaaneq annertooq aallartinneqartoq: Ilisimatusarfiup ilinniakkat neqeroorutigisani tamaasa nittarsaakkai

Decembarip aallaqqaataanit 2025 Ilisimatusarfimmi ilinniakkanik nittarsaassineq annertooq ingerlanneqassaaq.

Kalaallit Nunaanni ilinnialernissamut qinnuteqarnerup ilaattut 2026-mi martsip aallaqqaataata tungaanut angusassamik toraagaqarluta nittarsaassissaagut - pisoqangaatsiassaarlu.

Paasititsiniaanermi video nittarsaassissut takussutissartaqangaartoq aallarniutigineqassaaq, taanna ilisimatusarfimmi ilinniakkanik tamakkiisumik takutitsissaaq.

Video taanna nittartakkatta saqqaani piareersimavoq - YouTubemi, Facebookimi Instagramimilu sapinngisamik amerlanerpaanit takuneqartussanngorlugu aammattaaq nittarsaanneqassaaq.

Tamannali aallartinneruinnaavoq.

Sap. ak. tamaasa inuit attaveqaqatigiittarfianni ilinniakkat neqeroorutigisavut tamarmik immikkut nittarsaanneqartassapput.

Taakkunani ilinniakkat tamarmik immikkuullarequtaat ersersittassavagut: imarisai, periarfissarititai iluaqutaalu ilinnialertussanut neqeroorutaasut.

Naatsumik oqaatigalugu: Nittartagarput alakkaraluarukku inuilluunniit attaveqaqatigiittarfianniikkaluaruit imarisat nutaarsiassartallit, attuumassutillit isumassarsiorluarfiusinnaasullu takussaajumaarput.

Ilisimatusarfiup sunik neqerooruteqarnerata takutinnissaa qilanaaraarput - neriuppugullu paasititsiniaaneq amerlasuunik qinnuteqartitsiumaartoq taamaasillutillu ilinniarnerup silarsuaani Ilisimatusarfimmi siullertut alloriaateqarumaartut.