"Ukioq naagujoq - nunarsuarmioqataaneq attaveqatigiinnerlu" maanna saqqummerpoq

Pisarneq malillugu ukiumit qaangiutilersumit inernerit kisitsisigullu paasissutissat pingaarnerit ukiumut saqqummersittakkatsinni "Ukioq naagujoq - nunarsuarmioqataaneq attaveqatigiinnermilu" katersorsimavagut.

Saqqummersitaq nunarsuarmioqataanerup attaveqatigiinnerullu iluanni ingerlassimasatsinnik pissanganartunik qimerluuititsivoq - inernerillu soorunami ukiup siuliani siuariarnernut aamma sanillersuunneqarsinnaapput.

Ukioq naagujugummi paasissutissat assigiinngitsut pissanganartullu paasisaqarfigisinnaavatit, taakkualu suliassaqarfiit arlallit akimorlugit aallussatsinnik ersersitsisuupput.

Ersersinneqartut pingaarnerit ilaat tassaapput:

• Ilinniartut ilinniarnerminnut atatillugu nunanut allanut ilinniariartut amerlassusaat - Ilinniartut qassit kulturit ilinniartullu avatangiisaat allaanerusut misiginissaannut periarfissinneqarsimappat?

• Ilinniartutut tikeraat amerlassusaat - Ilinniartut nunanit tamalaaneersut qassit nuannaarutigisatsinnik ilinniartutut tikeraarisimavagut?

• Fagit tuluttut ingerlanneqartut amerlassusaat - Faginik tuluttut ingerlanneqartunik neqerooruteqarnerput qanoq ineriartorsimava?

• Saqqummersitsinerit nalunaarsorneqarsimasut amerlassusaat - Ilisimatusartuvut saqqummersitsinernik qassinik tapersiisimappat?

• Avataanit ilisimatusartut - Ilisimatusartut nunanit allaneersut qassit tikeraartorisimavagut?

• Tusagassiuutini taaneqarnerit - Ilisimatusarfik pillugu oqaluttuat sorliit - aamma qassit - tusagassiuutini eqqaaneqarsimappat?

• Inuit attaveqatigiittarfianni malinnaasut amerlassusaat - Digitaliusumik najuunnerput qanoq ineriartorsimava?

• Tamanut ammasumik oqalugiarnerit amerlassusaat - Tamanut ammasumik aaqqissuussinernik oqalugiarnernillu qanoq amerlatigisunik ingerlasseqataasimavugut?

Eqikkaaneq una - assigiinngitsunik aamma imaqartoq - ingerlassanik aallussimasatsinnik amerlasuunik aamma nunanut tamalaanut tunngatillugu ilisarnaatitsinnik saqqummilaarnitsinnillu qanoq nukittorsaasuaannarnitsinnik paasisaqartitsilluarpoq.