Ilinniartutut tikeraat nunanit tamalaaneersut tikilluaqquagut

Tallimanngorneq januaarip 31-iani 2025 ilinniartutut tikeraavut nunanit tamalaaneersut tikilluaqquagut.

Upernaanerani semesterimi uani ilinniartutut tikeraavut nunanit tamalaaneersut 12-iupput - nunaniillu ukunaneersuupput:

• Danmark
• Finland
• Frankrig
• Japan
• Kina

Ilisarititsineq ini ilinniartitsiviusumi 1-imi ingerlanneqarpoq, semesterimik sapinngisamik pitsaanerpaamik aallartilluarnissaat tassani isumagaarput.

Ullormi tassani Ilisimatusarfik pillugu saqqummiisoqarpoq, aamma IT-kkut isertarfigut, fagit soraarummeeriaatsillu nassuiarneqarput kiisalu campus Ilimmarfimmi takornariartitsisoqarluni.

Tamatuma saniatigut Kalaallit Nunaanni inuuneq pillugu paasissutissarpassuarnik aamma pissarsipput - minnerunngitsumillu inunnik peqateqarlutik sammisaqarnissaannut aamma attaveqateqarnissamut periarfissanut siunnersuutinik tunineqarput.

Semesterip ingerlanerani ilinniartutut tikeraartuutitta malinnaaviginissaat qilanaaraarput - neriuppugullu maaniinnertik puigunaatsumik misigisaqarfigiumaaraat.